√ អ្នកគាំទ្រសាទរព្រាតក្រោយឃើញ រ៉េត ស៊ូហ្សាណា និងកូនប្រុស ព្រាប សុវត្ថិ បង្ហោះសាររួមគ្នាលើកដំបូង

សង្គម

អាម៉ាប៉ាប៉ាញ៉ូស

ចូលដើមឆ្នាំ ២០២៣ភ្លាមតារាចម្រៀងវ័យក្មេងរូបស្រស់ រ៉េត ស៊ូហ្សាណា បានបង្ហាញរូបភាព យ៉ាងផ្អែមល្ហែមជាមួយកូនប្រុសទីពីររបស់ឧកញ៉ា ព្រាប សុវត្ថិ រួមនឹងសារដែលមានអត្ថន័យ លើកទឹកចិត្តដល់អ្នកគាំទ្រទាំងអស់របស់នាងនិងកូនប្រុសតារាចម្រៀង ព្រាប សុវត្ថិ គឺ សុវត្ថិ មុន្នីនាគ។

ជាមួយរូបភាពយ៉ាងរីករាយជាមួយ សុវត្ថិ មុន្នីនាគ ប្រមាណពីរសន្លឹក រ៉េត ស៊ូហ្សាណា បាន បង្ហោះសារជាភាសា អង់គ្លេសដែលមានអត្ថន័យថា«Happy new year from us everyone! សួស្តីឆ្នាំថ្មីDear 2023,Let us face our fears but bless us with the courage and strength to overcome them.Let us meet with failures but every time we do so, greet us with lessons, intelligence, and positivity»

ដែលបកប្រែជាភាសាខ្មែរមានអត្ថន័យថា«រីករាយឆ្នាំថ្មីពីពួកយើង សួស្តីឆ្នាំថ្មី ២០២៣ អ្នកទាំងអស់គ្នា យើងអាចនឹងជួបការភ័យខ្លាច ប៉ុន្តែសូមក្លាហាន និងរឹងមាំ ដើម្បីយកឈ្នះវា ។ យើងអាចនឹងជួបបរាជ័យ ប៉ុន្តែរាល់ពេលដែលយើងជួបសូមរៀនពី វា ដោយភាពវ័យឆ្លាត និង វិជ្ជមាន»។

រូបភាពនឹង សារដ៏មានអត្ថន័យរបស់តារាចម្រៀងរូបស្រស់ រ៉េត ស៊ូហ្សាណា ក៏ទទួលបានការ ពេញចិត្តនិងគាំទ្រពីសំណាក់អ្នកលេងបណ្តាញសង្គម ជាពិសេស ហ្វេន ហ្វេន តែម្តង។ ក្នុង នោះក៏មានការសាទរនិងត្រេកអរចំពោះអ្នករូបភាពអ្នកទាំងពីរដោយម្នាក់ៗបានខមិនថា «ផ្អែមល្ហែមណាស់ »«គូស្នេហ៍ដែលស័ក្តិសមប្រចាំឆ្នាំនេះ»។

សូម្បីតារាចម្រៀងរួមទ្រនំ ឈិន ម៉ានិច្ច ក៏បានខមិនថា« So Sweet»។ មិនមែនជាលើកដំបូងទេ ជាញយដងគេតែងឃើញតារា ចម្រៀងវ័យក្មេងមួយគូនេះស្និទ្ធស្នាលគ្នាលើសពីមិត្តភក្តិ ។

ទោះអ្នកទាំងពីរមិនទាន់ប្រកាសជាសាធារណៈពីទំនាក់ទំនងក្តី តែ អ្នកគាំទ្រសន្និដ្ឋានថា រ៉េត ស៊ូហ្សាណា និង សុវត្ថិ មុន្នីនាគ ពិតជាមានទំនាក់ទំនងស៊ីជម្រៅមិនធម្មតា ។ គួរបញ្ជាក់ ថា តារាចម្រៀងវ័យក្មេងមួយគូនេះកាន់តែស្និទ្ធស្នាលនឹងទទួលបានការគាំទ្រពីសំណាក់ ហ្វេន ហ្វេន ក្រោយពួកគេបានចេញ បទចម្រៀងរួមគ្នាដែលមានចំណងជើងថា«សុំខុសមួយយប់» នឹងបានសម្តែងរួមគ្នានៅក្នុងបទចម្រៀង «សង្ស័យ» ជាដើម ៕