សង្គម
ខណៈតារាជាច្រើនបានបង្ហាញមុខគូស្នេហ៍នឹងបានបើកចំហពីជីវិតស្នេហាលែងលាក់បាំងដូចមុន តែសម្រាប់តារាចម្រៀងរូបស្រស់សាច់ខ្ចី សុខ ពិសី នៅតែស្ងាត់ឈឹងរឿងមួយនេះខណៈ វ័យរបស់នាងឈានចូល៣៣ ឆ្នាំទៅហើយ ។ អ្នកគាំទ្រជាច្រើនចង់ឱ្យតារាចម្រៀង សុខ ពិសី ស្លៀកឈុតកូនក្រមុំឆាប់ៗ ហើយក៏មានអ្នកចង់ឃើញមុខមាត់កូនកម្លោះរបស់នាង ផងដែរ ។
ស្រីស្អាត សុខ ពិសី នៅតែជាតួឯកនៅក្នុងផលិតកម្មសាន់ដេមិនមានតារាចម្រៀងរូបណា ប្រជែងបានឡើយ ។សម្រាប់ឆ្នាំ ២០២៣នេះបទចម្រៀងរបស់ សុខ ពិសី ដែលកំពុងផ្ទុះខ្លាំង នោះគឺបទដែលមានចំណងជើងថា«ល្បីថាបងសាវាណាស់»ដែលសម្តែងជាមួយតារាចម្រៀង នាយ ចឺម ។
ដោយសារផលិតកម្មសាន់ដេជាទ្រនំដែលសុខសាន្តនឹងធ្លាប់មានការលើក ឡើង ថា តារាចម្រៀង សុខ ពិសី ជាគូស្នេហ៍របស់កូនម្ចាស់ផលិតកម្មនោះទើបគេមើលឃើញថា សុខ ពិសី ហាក់មិនជ្រើមជ្រួលចេញទៅរកផលិតកម្មណាផ្សេងឡើយ ។
ដ្បិតមិនបានបើកទម្លាយពីជីវិតស្នេហាក្តី តែចុងក្រោយនេះ សុខ ពិសី តែងដ្រាម៉ាពាក្យពេចន៍ ស្នេហានៅតាមបណ្តាញសង្គមជាញឹកញាប់ដែលធ្វើឱ្យគេសង្ស័យថា សុខ ពិសី នឹងបង្ហាញ មុខគូស្នេហ៍នៅក្នុងពេលឆាប់ៗនេះខណសព្វថ្ងៃនាងក៏មានវ័យ៣៣ឆ្នាំទៅហើយដែរ ។
ក្រៅពីអាជីពសិល្បៈ សុខ ពិសី ក៏មានមុខជំនួញបន្ទាប់បន្សំនៅក្នុងដៃមួយចំនួន តែអ្វីដែលគួរឱ្យសរ សើរតារាចម្រៀងរូបស្រស់ម្នាក់នេះកម្រសម្ញែងសម្ភារៈទំនើបៗដែលមានដូចជាផ្ទះវីឡា ឬរថយន្ត តាមបណ្តាញសង្គមដូចមិត្តភក្តិរួមអាជីពដទៃឡើយ៕
