សង្គម
ពីមួយថ្ងៃទៅមួយថ្ងៃចំណងស្នេហ៍របស់តារាសម្តែងរូបស្រស់ អៀ ម៉េងលិ និងគូស្នេហ៍រូបសង្ហា កាន់តែមានភាពស្និទ្ធស្នាលនិងពោរពេញទៅដោយភាពជឿជាក់ដោយពួកគេបានបង្ហាញមុខរួមគ្នានៅចំពោះមុខចាស់ទុំនៅក្នុងកម្មវិធីនានាជាបន្តបន្ទាប់ ។ បើតាមគម្រោង អៀ ម៉េងលិ និង គូស្នេហ៍គ្រោងដឹកដៃគ្នាភ្ជាប់ពាក្យទៅតាមប្រពៃណីខ្មែរនៅក្នុងឆ្នាំ ២០២៣នេះតែម្តង ។
ខុសពីចំណងស្នេហ៍ពីរលើកកន្លងមកពោលគ្រាន់តែស្គាល់គ្នាតែមួយរយៈខ្លីសោះ តែ អៀ ម៉េងលិ បានសម្រេចចិត្តបើកចំហចំណងស្នេហ៍របស់ខ្លួនជាសាធារណៈថែមទាំងសរសើរ គូស្នេហ៍ថាជាបុរសល្អដែលនាងទើបជួបជាលើកដំបូង ។ នៅក្នុងឆ្នាំ ២០២៣ នេះ អៀ ម៉េងលិ ក៏សម្រេចចិត្តភ្ជាប់ពាក្យទៅតាមប្រពៃណីខ្មែរ តែនាងមិនទាន់បង្ហើបពេលវេលាពិតប្រាកដ ឡើយហើយសម្រាប់រឿងរៀបការ អៀ ម៉េងលិ មិនទាន់គិតដល់ឡើយ ។
ដោយសារមានឈ្មោះជាស្រីស្អាតសម្បូរមន្តស្នេហ៍នោះទើបគូស្នេហ៍របស់ អៀ ម៉េងលិ ក៏ មានការប្រចណ្ឌខ្លាំងដែរជាពិសេសការថតកៀកកើយជាមួយតារាប្រុសៗតែម្តង។ អៀ ម៉េងលិ បាននិយាយដោយមិនលាក់លៀមថាស្គាល់គ្នារយៈពេលខ្លី តែនាងមានអារម្មណ៍ថាមានក្តី សុខនិងកក់ក្តៅខ្លាំងដូចបានស្គាល់គ្នាយូរមកហើយ។នាងពិតជាអរគុណខ្លាំងដែលបានគូ ស្នេហ៍ចូលមកបំពេញក្តីសុខនៅក្នុងជីវិតរបស់នាង ។
ចុងក្រោយនេះគេសង្កេតឃើញតារាសម្តែង អៀ ម៉េងលិ និងគូស្នេហ៍តែងបណ្តើរគ្នាចូលរួមនៅ ក្នុងពិធីមង្គលការនានាយ៉ាងពេញមុខពេញមាត់។ក្នុងនោះក៏មានការសរសើរថា អៀ ម៉េងលិ និងមិត្តប្រុសពិតជាស័ក្តិសមគ្នាណាស់ ហើយខ្លះថាសំណាងណាស់ អៀ ម៉េងលិ រកបាន ម្ចាស់ចិត្តល្អទាំងព្រមមិនថាទ្រព្យសម្បត្តិ ឋានៈ និងរូបរាងនោះឡើយ ៕
