![](https://blogger.googleusercontent.com/img/b/R29vZ2xl/AVvXsEjnLO9jDZvAn6WWiB4qRSYPOifV2IJEkJJz5uWLReAD2mmZVyfHR7QwJ0HPda_2ScOi-kpplCFp00t4l9Qndayl2cMi_ioizoYd7mA4wg1WBj7-D8TRwfOyuL7KRDKQtM_6rUFo8CUBcMp326ZtQuqTKw36MGintTFG1YrAnEIsO8tK0WwZFIE_IXchPQ/s1600/Thumbnail.jpg)
សិល្បៈ
ការតាំងបង្ហាញនូវបេតិកភណ្ឌវប្បធម៌អរូបិយដ៏អស្ចារ្យ ម្ហូបអាហារចិនដ៏ឈ្ងុយឆ្ងាញ់ និងកាដូឆ្នាំថ្មីប្រកបដោយបរិយាកាសចូលឆ្នាំថ្មី... សប្តាហ៍វប្បធម៌ពិធីបុណ្យចូលឆ្នាំប្រពៃណីចិន ៖ "ប្រទេសចិនដ៏ស្រស់ស្អាត · យូណានចម្រុះពណ៌" ត្រូវបានរៀបចំឡើងនៅរាជធានីភ្នំពេញចាប់ពីថ្ងៃទី២០ ខែមករានេះតទៅ ដើម្បីអបអរសាទរ និងជូនពរជ័យឆ្នាំថ្មីដល់ប្រជាជននៅកម្ពុជា។
ព្រឹត្តិការណ៍នេះត្រូវបានដឹកនាំរៀបចំដោយការិយាល័យព័ត៌មាននៃរដ្ឋបាលខេត្តយូណាន និងការិយាល័យកិច្ចការបរទេសនៃរដ្ឋបាលខេត្តយូណាន ហើយរៀបចំឡើងដោយសាខាទីភ្នាក់ងារសារព័ត៌មានចិនប្រចាំខេត្តយូណាន ដែលជាសកម្មភាពមួយក្នុងចំណោមកម្មវិធីវប្បធម៍ស្វាគមន៍ពិធីបុណ្យចូលឆ្នាំប្រពៃណីឆ្នាំ២០២៣ទាំងបួនប្រទេស៖ ចិន-ឥណ្ឌា-កម្ពុជា-ម៉ុងហ្គោលី និងសកម្មភាពផ្លាស់ប្តូរវប្បធម៍ពិធីបុណ្យចូលឆ្នាំចិន ដែលមានគោលបំណងពង្រឹងការផ្លាស់ប្តូរ និងរៀនសូត្រអំពីអរិយធម៌ចិន និងបរទេសឲ្យបានស៊ីជម្រៅ ដោយផ្សាភ្ជាប់នូវទំនៀមទម្លាប់នៃបុណ្យចូលឆ្នាំ និងការជួបជុំមិត្តភ័ក្តិតាមរយៈពិធីបុណ្យនានា ដើម្បីជម្រុញផ្សព្វផ្សាយវប្បធម៌ប្រជាជាតិចិនទៅកាន់ពិភពលោកឱ្យកាន់តែប្រសើរ។
“ ចូលឆ្នាំហើយ យើងត្រូវទៅ លេង ផ្ទះ មិត្ត ល្អ ដើម្បី និយាយ ពាក្យ ស្វាគមន៍ ឆ្នាំ ថ្មី“។ លោក Peng Bin ប្រធានការិយាល័យព័ត៌មាននៃរដ្ឋបាលខេត្តយូណាបានថ្លែងសុន្ទរកថាតាមវីដេអូ បានមានប្រសាសន៍ថា ខេត្តយូណានបានចងសម្ព័ន្ធមេត្រីភាពជាមួយខេត្តសៀមរាប និងខេត្តបន្ទាយមានជ័យនៃព្រះរាជាណាចក្រកម្ពុជា ហើយទីក្រុងគុនមិញក៏បានចងសម្ព័ន្ធមេត្រីភាពជាមួយទីក្រុងភ្នំពេញផងដែរ។ ឆ្នាំ២០២៣គឺជាខួបលើកទី៦៥ នៃការបង្កើតទំនាក់ទំនងការទូតរវាងចិន និងកម្ពុជា និងជាខួបលើកទី១០ នៃ គំនិតផ្តួចផ្តើមខ្សែក្រវ៉ាត់មួយផ្លូវមួយ ខេត្តយូណាននឹងសហការជាមួយភាគីកម្ពុជារៀបចំនូវកម្មវិធីផ្លាស់ប្តូរមួយចំនួន ដើម្បីរឹតចំណងមិត្តភាពរវាងប្រទេសទាំងពីរ និងជម្រុញការស្វែងយល់ទៅវិញទៅមកអំពីអរិយធម៌របស់ប្រទេសទាំងពីរ និងតភ្ជាប់ទំនាក់ទំនងរវាងប្រជាជន។
ឯកឧត្តម នី ផល្លី រដ្ឋលេខាធិការនៃក្រសួងទេសចរណ៍នៃប្រទេសកម្ពុជាបានថ្លែងសុន្ទរកថាតាមវីដេអូ ដោយបានអបអរសាទរខួបលើកទី៦៥ នៃការបង្កើតទំនាក់ទំនងការទូតរវាងចិន និងកម្ពុជា និងជូនពរឆ្នាំថ្មីដល់បងប្អូនប្រជាជនចិន និងបងប្អូនដែលជាប់ខ្សែស្រឡាយចិនដែលនៅក្នុនប្រទេសចិន ក៏ដូចជាតាមបណ្តាប្រទេសនានាជុំវិញពិភពលោកនាឱកាសពិធីបុណ្យចូលឆ្នាំប្រពៃចិន។ ឆ្លៀតក្នុងឱកាសនេះ ឯកឧត្តមបានអញ្ជើញបងប្អូនបងប្អូនប្រជាជនចិន និងបងប្អូនដែលជាប់ខ្សែស្រឡាយចិនដែលនៅក្នុងប្រទេសចិន ក៏ដូចជាតាមបណ្តាប្រទេសនានាអញ្ជើញមកទស្សនាកម្ពុជា ដែលជាគោលដៅអាចសម្រាកកំសាន្តដែលមិនចេះធុញ។
សប្តាហ៍វប្បធម៍នេះមានប្រធានបទ ៖ គ្រួសាររាប់ពាន់ទទួលបានពរជ័យក្នុងឆ្នាំថ្មី។ មានការរៀបចំវិថីលក់ទំនិញសម្រាប់បុណ្យឆ្នាំចិន និងមានកន្លែងតាំងពិពណ៌វប្បធម៌ពិសេសអំពីបុណ្យចូលឆ្នាំចិននៅក្នុងផ្សារទំនើបអូឡាំព្យានារាជធានីភ្នំពេញ រួមមាន៖ ការកាត់ក្រដាស ចង្កៀងគោមទន្សាយ សិប្បកម្មត្បូងមរកតនិងគ្រឿងប្រាក់ អុកYunzi Go ចម្លាក់ក្បឿងឆ្មា(tile cat) នំផ្កាស្រស់ កាហ្វេយូនណាន តែPu'er និងផលិតផលពិសេសៗសម្រាប់ទំនៀមទម្លាប់ចូលឆ្នាំថ្មីរបស់ខេត្តយូណាន ក៏ដូជាការបង្ហាញនូវបេតិកភណ្ឌវប្បធម៌អរូបិយ ហើយបានត្រៀមនូវ "កញ្ចប់កាដូឆ្នាំថ្មី"សម្រាប់ចែកជូនបងប្អូនដែលមកលេងនៅទីតាំងរៀបចំសប្តាហ៍វប្បធម៍នេះ រួមមាន៖ ពាក្យទំនឹមជូនពរឆ្នាំ ក្រណាត់ផ្កាសម្រាប់បិទបង្អួច អក្សរ福(លាភសំណាង) និងកញ្ចប់ក្រអូប។ល។ ព្រមទាំងរៀបចំកម្មវិធីដ៏អស្ចារ្យជាច្រើន ដូចជាវគ្គសំណួរចម្លើយអំពីចំណេះដឹងវប្បធម៍នៃពិធីបុណ្យចូលឆ្នាំប្រពៃណីចិន និងការចាក់ផ្សាយវីដេអូខ្លឹៗបង្ហាញអំពីទំនៀមទម្លាប់ចូលឆ្នាំថ្មី។ល។
ព្រឹត្តិការណ៍នេះក៏បានរៀបចំការចុះទៅចែកពាក្យទំនឹមអំពីចំណងមិត្តភាពចិន និងកម្ពុជាជូនប្រជាពលរដ្ឋក្នុងសហគមន៍នៅភ្នំពេញផងដែរ។ ខ្លឹមសារក្នុងពាក្យទំនឹមចំនួនរាប់ពាន់សម្រាប់ចែកជូន បងប្អូនត្រូវបាននិពន្ធជាពិសេសដោយសមាជិកនៃសមាគមកំណាព្យយូណាន និងសមាគមស្រាវជ្រាវវប្បធម៌ប្រពៃណីខេត្តយូណាន ដែលមានមានន័យដូចជា៖ ទឹកទន្លេមេគង្គនិងទន្លេឡានឆាងគឺតភ្ជាប់ជាមួយគ្នា ធ្លាប់ដាំដើមពោធិដែលមានអាយុកាលរាល់ពាន់ឆ្នាំ ផ្តល់អត្ថប្រយោជន៍ដល់ប្រជាជាតិចិននិងខ្មែរ ព្រមទាំបានដាំដើមផ្កាមិត្តភាពម៉ឺនឆ្នាំដើម្បីមកលេងរមណីយដ្ឋានបេតិកភណ្ឌវប្បធម៍ គយគន់ទេសភាពនៃប្រទេសបុរាណ ស្រូបខ្យល់អាកាសក្នុងទីក្រុងរាជវាំង។ល។ ដែលផ្ទុកនូវវប្បធម៌ប្រជាជាតិចិន និងមិត្តភាពរវាងចិន-កម្ពុជា បានធ្វើដំណើរឆ្លងកាត់ភ្នំនិងទន្លេ ដើម្បីប្រគល់ជូនប្រជាពលរដ្ឋនៅភ្នំពេញ។
" ការប្រើពាក្យទំនឹមសម្រាប់ជូនពរឆ្នាំថ្មីទៅកាន់ប្រទេសជិតខាងដ៏ល្អ គឺមានប្រយោជន៍ចំពោះការរពង្រឹងក្នុងការផ្លាស់ប្តូរវប្បធម៌"។ លោក Zhu Ji ប្រធានសមាគមកំណាព្យខេត្តយូណាន បានមានប្រសាសន៍ថា វប្បធម៌រវាងបណ្តាប្រទេសនៅអាស៊ីមានប្រវិត្តស៊ីជម្រៅ ត្រូវតែរឹតចំណងមិត្តភាពជាប្រពៃណី ចង់អភិវឌ្ឍន៍ ត្រូវតែប្រើប្រាស់វិធីសាស្ត្រនទំនាក់ទំនងថ្មី។ ការសរសេរពាក្យទំនឹមដើម្បីផ្ញើពរជ័យមិនត្រឹមតែពង្រឹងមិត្តភាពប៉ុណ្ណោះទេ ប៉ុន្តែក៏បង្កើតនួវបរិយាកាសសម្រាប់ថ្ងៃបុណ្យទានដ៏ល្អមួយផងដែរ។
លោក Feng Lifa ប្រធានសមាគមអ្នកសសេរអក្សរផ្ចង់កម្ពុជា (ចិន) ត្រូវបានអញ្ជើញឲ្យសរសេរអក្សរលើពាក្យទំនឹម និងអក្សរ福(លាភសំណាង)ជូនសាធារណជនដែលអញ្ជើញមកចូលរួមសប្តាហ៍វប្បធម៌ដោយផ្ទាល់។ លោកបានមានប្រសាសន៍ថា “ជារៀងរាល់ឆ្នាំ ពេលចូលឆ្នាំចិនចូលមកដល់ បងប្អូនសែស្រឡាយចិននៅកម្ពុជា តែងតែដើរទិញទំនិញសម្រាប់ចូលឆ្នាំថ្មី ហើយព្រឹត្តិការណ៍នេះបានប្រារព្ធធ្វើឡើងក្នុងពេលវេលាដ៏សមស្រប។ លោកទន្ទឹងរង់ចាំទៅទស្សនាខេត្តយូណាននាពេលអនាគត ដើម្បីគយគន់នូវទេសភាពក្នុងទឹកដីប្រទេសចិនដ៏អស្ចារ្យ។
![](https://blogger.googleusercontent.com/img/b/R29vZ2xl/AVvXsEiyClx44wDB_1O4_oMYz163vcVfBGVUGE6uZXKBFslI1CEncBpXY04XbSmXhZHK_th-JGZdHfGn3fL1e7S_rvxkkTl8tipNeA0jo-ISY5_XAoRMzR4IGVLN_GWapi20uSNuPznJvczn5NXwCXGB8j62jcbQi2N0WvToKfHikplduKn8PJaSGijzobqIGA/s1600/photo_2023-01-21_17-04-01%20%282%29.jpg)
![](https://blogger.googleusercontent.com/img/b/R29vZ2xl/AVvXsEi3-l3T6KVdDn1cZ1iPkOzl0dArBJ68isMjqZ2WGdHEuqTo1ZKq_ELJibLzKDRRsFXUgA74GgyDEi09IcUR7m6Cd776QkynzTg3mnUHhrL3a4lBe7DKHKw5FhEhZ1QR422sTw8i92aarbJXZ8UvkiSdROUS3fFH6doxdiK89rmVP7deM1wBjeHpQfrFsQ/s1600/photo_2023-01-21_17-04-01.jpg)
![](https://blogger.googleusercontent.com/img/b/R29vZ2xl/AVvXsEihUvDjfKhWqbsdx2wxB4ZiSAr_vf3ey4IQU3pjcYL_kL4eISDgM6CxYv_8T55PWjV1dYJ50wxQwOLcM3FxJykX6WNymbXpttsReAqCFaZe1i_Ri9sAyXx_VIif_1HgLA8x4v1qQOpx9Ig8CTtI5tst2xHy33O-QENZraiia5Ns9imKovVmgsWGlTi7Ag/s1600/photo_2023-01-21_17-04-02%20%282%29.jpg)
![](https://blogger.googleusercontent.com/img/b/R29vZ2xl/AVvXsEhZE2zW75NWu50X6BzfWnpq6LH9pWNWZipwyxeVZbkc_k6Urzdqtf5RH4maImyZX2xhUwSvnV03ZCaB-BIgKEP_nliYXsWHGyTbsvX0PAl4iw0VwD2PBilGkEeZ0OvhOw2IpIlGAvID9ifCKNhTu1kb3TD1M9OAHZ2tKI_y4iq85AJvSpeA6_ZNltTNbQ/s1600/photo_2023-01-21_17-04-02%20%283%29.jpg)
![](https://blogger.googleusercontent.com/img/b/R29vZ2xl/AVvXsEi2-TdxqD35zZA50lwWsVNaJtWcbBUVZ3O2aJpg7C7m70p4-VN56daAg1RNN0bbXW4y4uHYa7hRUeRSKOb2vtXs59XN_5FJxkGJI2TntwaA1MYnY3qGaWkNCyCTWiUcytE1riRTBv_A-G-rSZPZ7_HD6DUXz7GG2UDqxrssOWLLmyPX210JK9PPqTDxVA/s1600/photo_2023-01-21_17-04-02.jpg)
![](https://blogger.googleusercontent.com/img/b/R29vZ2xl/AVvXsEjd_NPHN4rfkxpPVzY2ev3xNag7IL4h3FTbKsuc8_-xsj2fdn4uBEutO93rYI_inicUsxh1SWdZwBkBkbHRvzP0FTCn46VN5K7IU-v9gOtO7iMQxNIztqh0oQP-ZY9Lp2nhHVnnvrOL1m8Sz7FvUAMAdAlaoIJSn55FuNL4jXkY4qXdwXh2b099LLH-IQ/s1600/photo_2023-01-21_17-04-03%20%282%29.jpg)
![](https://blogger.googleusercontent.com/img/b/R29vZ2xl/AVvXsEihcrs3WhRFv8nJ_lOPdXiwuhkZ2kudYk0hBf1hFgTAssQh0k2alzadfrWNSGDLVexkVhqzwNSWuBFRsQTFN4VHnwUo9eLsKGsOVbJ2EhCjEhqDO3ULFlAsOYgt9eIjzEaD5alfaTUCPvUPqkqaf4nh8hZJlfZU0hS-pwk1EGYdunCM9DfZkinzmXZcnA/s1600/photo_2023-01-21_17-04-03%20%283%29.jpg)
![](https://blogger.googleusercontent.com/img/b/R29vZ2xl/AVvXsEirMCvQsTQ5vWPZHOL_G_tkw9un8EfnoP6BPWzbS3Lx8ajRoMBs1udXRTmxaqDePVmjuPat9nansgf8zMiElhNAPln_iN9HCwZdAu7po-yOWTTpp-shww8XSZuZ8PqUtlr_fdJ8mAtSqJGkL4olsC1tEhEzZXYNjMDks_e4NVqcKNmjmU9C0LyXuJIksg/s1600/photo_2023-01-21_17-04-03.jpg)
![](https://blogger.googleusercontent.com/img/b/R29vZ2xl/AVvXsEgJQKot6E9eo1wo1tyPwCrdDKojxBGTM_xiGjDvdv0AFKHXRd1J2NMYxERMvu5AX9ekMbItZ8MOj7LNkyKJZFB5iiIniDZO0nFZ-cnm8jONZDwIEpa8CvAcoZey5pzZyHQNKgXMNrXoL1NJfknd4bRdv-X_c4FJ4kzijHiFTfFCg1Cnv83LJC9KSl2RLg/s1600/photo_2023-01-21_17-04-04%20%282%29.jpg)
![](https://blogger.googleusercontent.com/img/b/R29vZ2xl/AVvXsEh9GQ2WVeqOQjdQNK6o3Xz0EF6idxQ8vv4asIVUcJ-Dre1ozKyMVqlRHK4tnWdq-ilZbf-uWdcBVJWWZElWjMHi_pni4Xf1zwe2ID37wjsYkNLYLyfxZz9VincaIYHyxVSFEZ2Eq9gtwuJWgeGjQFbAV_sQ-0QwlgfaYFN5iVnuofyuigjXsI3P85yVYw/s1600/photo_2023-01-21_17-04-04%20%283%29.jpg)
![](https://blogger.googleusercontent.com/img/b/R29vZ2xl/AVvXsEh6lYB7Yuap6EXKUVsnPK5N4fJH7qlGUi8bktLq-ygxrTvJzI3fE63rNSQ3vQmO7Iv2AS1oC1w8TJCGsYN5Qm4PtlBunrAr6XqMSr2XFxezOehRjogZ9bOx9xY4Rmpz6xiIdRHU9l4U_1EUhBoYmYi1t_wwXdz9eubEENb6_HnU3ZgBTIVp6Pdk-08kGw/s1600/photo_2023-01-21_17-04-04.jpg)
![](https://blogger.googleusercontent.com/img/b/R29vZ2xl/AVvXsEg3pj8zojhtcncIbsXnZb2gWZs2FgVla-u8n3Q-g7mbIXtJ8FhtAhXfR1taxRgyF5s6LLMHW8rYMKaKPg5VPV1BQAoupXgPvJqRuFqabwyL8Se0mMhcKaFAIy4TG33KNr97vSZH81vjBuJ-zk60wKerkGQ9YZQsGgLPs4cIGsR0_FgiVYKHGKfX4ajsHw/s1600/photo_2023-01-21_17-04-05.jpg)