សិល្បៈ
មានការចាប់អារម្មណ៍ពីសំណាក់អ្នកលេងបណ្តាញសង្គមស្ទើរគ្រប់គ្នា ខណៈនៅក្នុងថ្ងៃខួប កំណើតគម្រប់អាយុ ១២ឆ្នាំរបស់កូនស្រីច្បង សាពូន ដារ៉ាពិមាន អតីតតារាចម្រៀង សាពូន មីដាដា បានទ-ម្លាយថាលោកបានទទួលទឹកប្រាក់រាប់ម៉ឺនដុល្លារពីសម្តេចតេជោ ហ៊ុន សែន សម្តេចកិតិ្តព្រឹទ្ធបណ្ឌិត ប៊ុន រ៉ានី តែគួរឱ្យស្តាយទឹកប្រាក់ដ៏ច្រើននោះត្រូវបាត់បង់ទៅវិញ ដោយសារលោកយកទៅធ្វើជំនួញ។
កាលពីថ្ងៃទី ២១ ម្សិលមិញនេះថាជាថ្ងៃខួបកំណើតគម្រប់អាយុ ១២ ឆ្នាំរបស់កូនស្រី សាពូន ដារ៉ាពិមាន លោក សាពូន មីដាដា បានរៀបរាប់យ៉ាងវែងអន្លាយនៅក្នុងគណនីយហ្វេប៊ុក ថាកូនស្រីរបស់លោកគឺជាកូនដែលនាំសំណាងព្រោះពេលសម្រាលខាងមន្ទីរពេទ្យមិនបានយកប្រាក់ឡើយ ។
អ្វីដែលធ្វើឱ្យលោកកាន់តែរំភើបនោះពេលកូនស្រីមានវ័យជាង៣ឆ្នាំ លោក ទទួលបានទឹកប្រាក់ជាង ៣ម៉ឺនដុល្លារពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហើយរំលងបានមួយអាទិត្យលោកទាំងពីរក៏បានឱ្យប្រាក់មក សាពូន មីដាដា ជាបន្តបន្ទាប់ទៀត ។
ពេល សាពូន ដារ៉ាពិមាន អាយុ ៤ឆ្នាំ សម្តេចតេជោ ហ៊ុន សែន និងសម្តេចកិត្តិព្រឹទ្ធ បណ្ឌិត ប៊ុន រ៉ានី បាន ឱ្យកូនខ្សែកពេជ្រជិតប៉ុនកូនដៃព្រមទាំងប្រាក់មួយវ៉ាលីធំដល់រូបលោកថែម ទៀត។ ប្រមាណបីអាទិត្យក្រោយលោក សាពូន មីដាដា និងអតីតភរិយា សឿ សុធារ៉ា បាន ឡើងច្រៀងនៅទូរទស្សន៍បាយ័នដោយបកស្រាយបទ«អក្ខរាលោហិត»សម្តេចទាំងពីរក៏បាន ឱ្យទឹកប្រាក់ដល់លោកប្រមាណ២០ម៉ឺនដុល្លារបន្ថែមទៀត។
លោក សាពូន មីដាដា បាន បញ្ជាក់ទៀតថានៅក្នុងពិធីបុណ្យចូលឆ្នាំមហាសង្រ្កាន្តនៅសៀមរាបលោកក៏បានទទួលទឹក ប្រាក់មួយកាបូបធំទៀតពីសម្តេចសម្តេចតេជោ ហ៊ុន សែន និងសម្តេចកិត្តិព្រឹទ្ធ បណ្ឌិត ប៊ុន រ៉ានី ម្តងទៀត ។
ជាមួយនឹងទឹកប្រាក់យ៉ាងសន្ធឹកសន្ធាប់ទាំងនេះត្រូវបានបាត់បង់អស់ពីខ្លួនដោយអតីតតារាចម្រៀងរូបនេះបានសារភាពថាលោកយកទៅធ្វើជំនួញដែលមិនមានជំនាញដែលធ្វើឱ្យខាតបង់ ជាបន្តបន្ទាប់រហូតអស់ពីខ្លួនទៅវិញ ។ មូលហេតុដែលលោក សាពូន មីដាដា លើកយកមក រៀបរាប់ជាសាធារណៈបែបនេះដោយសារមិនចង់ឱ្យកូនធ្វើជំនួញអ្វីដែលមិនចេះអាចឱ្យបាត់ បង់ដូចលោកជាឪពុកជាមេរៀនស្រាប់៕
