សង្គម
តារាសម្តែងរូបស្រស់សិ-ចស៊ី កុល ដាវី បានបង្អួតរាងយ៉ាងខ្ញង់ក្នុងឈុតប៊ី.គី.នីជា លើកដំបូងក្រោយសម្រាលកូនបានជិតមួយឆ្នាំដែលធ្វើឱ្យមិត្តភក្តិក៏ដូចជាអ្នកគាំទ្រលាន់មាត់សរសើរគ្រប់គ្នា ។ ព្រោះក្រោយមានកូនតារាសម្តែង កុល ដាវី នៅ តែមានសម្រស់ស្អាតសិ.ចស៊ីមិនប្រែប្រួលពីមុនឡើយ ។
កុល ដាវី ក៏ជាតារាសម្តែងដែលមានឈ្មោះបោះសំឡេងជាពិសេសតាមរយៈការ សម្តែងជាតួកាចឆ្នាស់ឆ្នើមដណ្តើមប្តីគេបានយ៉ាងស័ក្តិសមដែលធ្វើឱ្យមហាជនគ្រឹតក្នាញ់គ្រប់គ្នា ។មិនតែប៉ុណ្ណាះនាងក៏ជាតារាដែលនិយមការលេងស្ទីលបែប ចិត្តល្អផងដែរ តែក្រោយមានស្វាមីនិងកូន កុល ដាវី ហាក់រយាលពីការសម្តែង ហើយការតុបតែងខ្លួនបែបសិ.ចស៊ីហាក់កាត់បន្ថយច្រើនដោយនាងធ្លាប់អះអាងថាស្វាមីលោក សុខ រក្សា មានការប្រចណ្ឌផងដែរ ។
បើគិតមកដល់ពេលនេះ កុល ដាវី សម្រាលកូនបានប្រមាណជាជិតមួយឆ្នាំ ហើយនាងក៏បានវិលចូលមកប្រឡូកក្នុងការសម្តែងឡើងវិញដែលពេលនេះកំពុងមមាញឹកថតរឿងភាគទូរទស្សន៍មួយ ។ ដ្បិតមានកូនទៅហើយក្តី តែសម្រស់ របស់ កុល ដាវី នៅតែផូរផង់ស្អាតហើយនៅក្នុងឱកាសពិធីបុណ្យចូលឆ្នាំ ប្រពៃណីចិននេះ កុល ដាវី បានសម្ញែងរាងក្នុងឈុតប៊ី.គី.នីយ៉ាងសិ.ចស៊ីនៅក្នុង ដំណើរកម្សាន្តមួយនៅខេត្តកោះកុង ។ នេះជាលើកដំបូងដែល កុល ដាវី ស្លៀក ឈុតបែបនេះក្រោយសម្រាលកូនជិតមួយឆ្នាំឃើញថានៅតែទាក់ទាញមិនធម្មតាឡើយ ។
ក្រៅពីចែករំលែករូបភាពដ៏ស្រស់ស្អាត កុល ដាវី ក៏បានបង្ហោះសារសរសើរដល់ ស្វាមីលោក សុខ រក្សា យ៉ាងពេញៗមាត់ថា«អរគុណប្តីសំលាញ់ តែងតែផ្តល់ ភាពកក់ក្តៅអោយអូន និង កូនជាទីស្រលាញ់របស់យើង មិនថាថ្ងៃពិសេស ឬថ្ងៃធម្មតា បងតែងនៅក្បែររហូត អូនស្រលាញ់បងណាស់ប្តីដ៏ល្អរបស់អូន
រីករាយថ្ងៃចូលឆ្នាំចិន វីនីតាសប្បាយណាស់បានមកលេង សមុទ្រ ស្រស់ស្រូប ខ្យល់បរិសុទ្រ នៅនេសាទរីសត នៅស្រែអំបិល»។ ការបើកបង្ហាញពីសុភមង្គល របស់ កុល ដាវី ក៏ទទួលបានការចូលរួមត្រេកអរនិងជូនពរពីសំណាក់មហាជន គ្រប់គ្នា៕
