សិល្បៈ
លោកតាម្នាក់ដែលមានជន្មាយុ ៨២ឆ្នាំ ត្រូវបានគណនីហ្វេបុកមួយបានប្រកាសឱ្យដឹងអំពីបំណងដែល ចង់ជួបសម្តេចតេជោ ហ៊ុន សែន ផ្ទាល់ ដើម្បីជូនវត្ថុបុរាណអាយុកាលជិត៣០០ឆ្នាំមួយទុកជាវត្ថុអនុស្សាវរីយ៍ ជាការអរគុណសម្រាប់ការលះបង់របស់សម្ដេចចំពោះប្រទេសជាតិ។
តាមរយៈគណនីហ្វេបុកដែលមានឈ្មោះ Sana Meas បានបង្ហោះឱ្យដឹងកាលពីថ្ងៃទី ២១ ខែមករា កន្លងមកថា ថា៖ «កុង ទ្រី នៅចោមចៅ ជន្មាយុ 82ឆ្នាំ កុង ចង់ជួបសម្តេច ហ៊ុន សែន នាយករដ្ឋមន្ត្រីផ្ទាល់ ដើម្បីជូនវត្ថុបុរាណមួយដែលមានអាយុកាលជិត300ឆ្នាំ ដើម្បីទុកជាវត្ថុអនុស្សាវរីយ៍ អរគុណដល់សម្តេចដែលបានលះបង់កំលាំងកាយចិត្ត ដើម្បីបុព្វហេតុជាតិតាំងពីបាតដៃទទេ រហូតមានការរីកចម្រើន មានសុខសន្តិភាពក្នុងប្រទេសកន្លងជាង 40 ឆ្នាំមកនេះ សូមបងប្អូនជួយស៊ែរសម្រេចបំណងលោកតាផង»។
ដោយសារតែចង់សម្រេចបំណងលោកតា មានបងប្អូនអ្នកលេងបណ្ដាញសង្គមហ្វេបុកជាច្រើននាំគ្នាចែករំលែកប្រកាសមួយនេះ ដល់ទៅជាង៤ពាន់នាក់ឯណោះ មិនត្រឹមតែប៉ុណ្ណោះក៏មានអ្នកខ្លះ Mention ទំព័រហ្វេបុកសម្ដេចតេជោទៀតផង។ ជាមួយគ្នានោះក៏មានគណនីមួយបានបញ្ចេញមតិឱ្យដឹងថា៖
«តាមខ្ញុំមើលដូចជា ( ប៉ាន់ដុះ ) ជាប្រភេទប៉ាន់តែមួយប្រភេទ មានដុះតែនៅផ្នែកបាត ទោះជាលាងសម្អាតយ៉ាងណា ទុកមួយយប់ គឺមានដុះតែចេញមក អាចឆុងហូបបានធម្មតា!»
