សង្គម
ថ្ងៃទី ១៣ កុម្ភៈ ឆ្នាំ២០២០ កម្ពុជាជាប្រទេសតែមួយគត់ ដែលបានអនុញ្ញាតឲ្យនាវា westerdam ចូលចតនៅកំពង់ផែក្រុងព្រះសីហនុ ប្រកបដោយជោគជ័យ និងដោយគ្មានអ្នកដំណើរណាម្នាក់ឆ្ល.ងជំ.ងឺកូ.វី.ដ១៩ឡើយ ។ កម្ពុជាតូចមែនតែមានបេះដូងល្អបរិសុទ្ធ ចិត្តទូលាយ និងក្លាហានទទួលអ្នកដំណើរ និងនាវិក មកពី៤១ប្រទេស នៅលើកប៉ាល់កម្សាន្តវេស្ទ័រដាម (Westerdam) ឱ្យចូលចតនៅកំពង់ផែក្រុងព្រះសីហនុ បន្ទាប់ពីកប៉ាល់នេះត្រូវបានប្រទេស៥ បដិសេធការសុំចត។
សម្ដេចតេជោហ៊ុន សែន ប្រមុខរាជរដ្ឋាភិបាលកម្ពុជា ធ្លាប់បានលើកឡើងថា មានអ្នកខ្លះអាចភ្លេចគុណបំណាច់កម្ពុជា ប៉ុន្តែមនុស្សជាង ២ពាន់នាក់លេីនាវាវេស្ទ័រដាមច្បាស់ជាមិនអាចបំភ្លេចបាននោះទេ ។ ករណី Westerdam ជាសក្ខីភាពបញ្ជាក់យ៉ាងច្បាស់ថា កម្ពុជាយកចិត្តទុកដាក់ខ្ពស់លើសិ.ទ្ធិមនុស្ស ជាពិសេសសិ.ទ្ធិរស់រានមានជីវិត បើគ្មានសិ.ទ្ធិរស់រានមានជីវិត យើងមិនចាំបាច់និយាយពីសិ.ទ្ធិដទៃឡើយ។
ជាក់ស្ដែងនៅថ្ងៃទី ២៩ ខែមករា ឆ្នាំ២០២៣នេះ បើយោងតាមទំព័រហ្វេសបុក «រំដួលធីវី» ដែលបានជួបនឹងអនិកជនខ្មែរជាអ្នកនៅលើកប៉ាល់វេស្ទ័រដាមផ្ទាល់ បានបញ្ជាក់ឱ្យដឹងច្បាស់ៗ ថាពិតជាមិនអាចបំភ្លេចនូវគុណបំណាច់កម្ពុជា ជាពិសេសថ្នាក់ដឹកនាំ សម្ដេចតេជោ ហ៊ុន សែន ដែលបានអនុញ្ញាតឱ្យកប៉ាល់បានចូលចត នៅកំពង់ផែខេត្តព្រះសីហនុ ។
បើតាមអ្នកស្រី វ៉ាន់ ប៉េឈិន បានរៀបរាប់ឱ្យដឹងថា៖ «នៅប្រទេសជប៉ុន កោះទាំងប៉ុន្មានដែលត្រូវចូលចត គឺគេមិនឱ្យចុះហ្មង ម៉្លោះហើយកប៉ាល់ត្រូវប្ដូរទិសដៅ ហើយទៅដល់ផែមួយជាកោះរបស់ប្រទេសអាមេរិច ក៏មិនឱ្យចូលចតទៀត ទាំងដែលកប៉ាល់នេះជារបស់អាមេរិចក្ដី ទៅរកគ្រប់កន្លែងគេមិនឱ្យចត ទៅដល់វៀតណាមក៏មិនឱ្យ ទៅដល់ថៃក៏មិនឱ្យចូល»។
លោកស្រី បានបន្តឱ្យដឹងទៀតថា៖ «ខ្ញុំមើលផែនទីរបស់នាវិក បើកក្រវែលតាំងពីលើរហូតដល់ក្រោម នេះប្រទេសកម្ពុជានៅហ្នឹង Sihanoukville នៅហ្នឹង ម៉េចក៏អ្នកឯងមិនព្រមស្នើនាយករដ្ឋមន្ត្រីប្រទេសកម្ពុជា ចុះចតទៅ នាយករដ្ឋមន្ត្រីកម្ពុជាចិត្តល្អណាស់ ចិត្តទូលាយទទួលស្វាគមន៍ទាំងអស់ ស្រាប់តែខ្ញុំនិយាយមិនដល់២ម៉ោងផង ពេលទៅញ៉ាំបាយ នាវិកនោះផ្សាយថា អូ! ប្រទេសកម្ពុជាគេស្វាគមន៍ឱ្យចូលហើយ ស្អែកម៉ោង៧កប៉ាល់ហ្នឹងនឹងទៅដល់ ចំណតខេត្តព្រះសីហនុហើយ ធ្វើឱ្យគ្រប់គ្នាអរ លោតឡើងចង់ដល់ធ្លាយមេឃ»។
ខាងក្រោមនេះជាវីដេអូរៀបរាប់ទាំងស្រុងពីអនិកជនខ្មែរ-កាណាដា ទាំងស្រុងដែលផ្ដល់បទសម្ភាសន៍តាមរយៈរំដួលធីវី៖
