សង្គម
ថ្មីៗនេះតារាចម្រៀងរូបស្រស់ ពេជ្រ សូលីកា ត្រូវបានអ្នកគាំទ្រ ជាពិសេសអ្នកលេងបណ្តាញ សង្គមជាច្រើនបានលើកឡើងថានាងប្លែកខុសពីមុនពោលតែងបង្ហាញអារម្មណ៍ចូលចិត្តដ្រាម៉ា តាមបណ្តាញសង្គមជាហូរហែ ។ ប៉ុន្តែគេមិនច្បាស់ថាជាការនិយាយដ្រាម៉ាលេងៗដើម្បីឱ្យធូរ អារម្មណ៍ឬបែបណាឡើយ។
គេចាំបានថាបើទោះចែកផ្លូវជាមួយអតីតគូស្នេហ៍លោក គីម ហាន អស់រយៈពេលជាច្រើនខែ នាពេលកន្លងមក តែតារាចម្រៀង ពេជ្រ សូលីកា មិនបានប្រកាសឱ្យមហាជនបានដឹងឡើយ ពោលគឺនាងលាក់ជីតឈឹងតែម្តងដែលការបែកធ្លាយរឿងនេះគឺដោយសារមិត្តប្រុសរបស់នាង ជាអ្នកបញ្ចេញ។
ប៉ុន្តែមួយរយៈចុងក្រោយនេះគេសម្គាល់ឃើញថា ពេជ្រ សូលីកា ប្លែកខុសពី មុនពោលនាងតែងបង្ហាញអារម្មណ៍ដ្រាម៉ានៅតាមបណ្តាញសង្គមជាបន្តបន្ទាប់ដែលធ្វើឱ្យអ្នកគាំទ្រមួយចំនួនមានការវែកញែកផ្សេងៗគ្នាដោយខ្លះលើកឡើងថាអាចជាការបង្ហាញអារម្មណ៍លេងៗដើម្បីទាក់ទាញប្រជាប្រិយភាពរបស់ខ្លួននៅពេលចេញបទចម្រៀងថ្មីៗតែប៉ុណ្ណាះ។ប៉ុន្តែអ្នកខ្លះបែរជាយល់ថា ពេជ្រ សូលីកា ទម្លាយបែបនេះឱ្យបានធូរស្រាលក្នុងចិត្តព្រោះកន្លង មកនាងក៏ជាតារាស្រី ដែលជំពប់រឿងអាស្រូវជាហូរហែដែលធ្វើឱ្យរងសម្ពាធផ្លូវចិត្តផងដែរ ។
យ៉ាងណារាល់ការបង្ហាញអារម្មណ៍សេដៗជាសាធារណៈរបស់ ពេជ្រ សូលីកា តែងទទួលបាន ការលើកទឹកចិត្តពីសំណាក់ហ្វេន ហ្វេន ជាច្រើនដោយម្នាក់ៗផ្តល់កម្លាំងចិត្តឱ្យនាងតស៊ូដើម្បី កូនប្រុសក៏ដូចជាប្អូនស្រីជាទីស្រឡាញ់ ។ ប៉ុន្តែយ៉ាងណាចុងក្រោយនេះ ពេជ្រ សូលីកា ក៏រកបានដៃគូស្អំបេះដូងថ្មីហើយដោយនាងបានបង្ហាញដំរួយខ្លះៗកាលពីមួយរយៈមុន។
អ្វីដែលកត់សម្គាល់ស្ពាយងារជាអ្នកមេម៉ាយកូនមួយមែន តែសម្រស់របស់ ពេជ្រ សូលីកា នូវតែទាក់ទាញ ជាពិសេសនៅពេលនាងលេងខ្លួនបែបសិចស៊ីម្តងៗពិតជាអ៊េមមិនចាញ់តារា ស្រករក្រោយឡើយ ៕
