សង្គម
ដ្បិតមិនទទួលបានពាននៅក្នុងកម្មវិធីប្រឡងចម្រៀងលំដាប់ពិភពលោកCambodian Idol រដូវកាលទីបួន តែស្រីស្អាត មាស នីតា កាន់តែមានទីផ្សារការងារ ច្រើន។យ៉ាងណាមិញពេលនេះតារាចម្រៀងពន្លកថ្មីរូបនេះបានបង្ហាញផ្ទះវីឡាយ៉ាងស្រស់ស្អាត និងរថយន្តទំនើបឃើញហើយពិតជាលាន់មាតសរសើរពីភាព ជោគជ័យរបស់នាងគ្រប់គ្នា។
ប្រើពេលមិនដល់មួយឆ្នាំផងតារាចម្រៀង មាស នីតា បានសម្ញែងផ្ទះវីឡានិង រថយន្តព្រមគ្នាដោយលើកឡើងខ្លីថា«ជួបហើយ»។ការបង្ហាញសមាជិកថ្មីនៅក្នុងបណ្តាញសង្គមរបស់តារាចម្រៀង មាស នីតា បានធ្វើឱ្យមហាជន ជាពិសេស អ្នកគាំទ្រមានការសាទរគ្រប់ៗគ្នាហើយខ្លះទៀតក៏លាន់មាត់សរសើរពីភាពជោគជ័យរបស់តារាចម្រៀងពន្លកថ្មី មាស នីតា ផងដែរ ។
ក្នុងនោះក៏មានការលើក ឡើងថា មាស នីតា ពូកែសន្សំណាស់តែប៉ុន្មានខែសោះអាចទទួលបានសមា ជិកធំៗដែលមានការប៉ាន់ស្មានថាតម្លៃជាង ១០ម៉ឺនដុល្លារឯណោះ។
គួរបញ្ជាក់ថាក្រោយបញ្ចប់ការប្រឡងនៅក្នុងកម្មវិធី Cambodian Idol រដូវកាលទីបួន មាស នីតា បានបង្ហាញខ្លួននៅតាមកម្មវិធីប្រគំតន្រ្តីនានាជា ហូរហែរដែលជាឱកាសដែលធ្វើឱ្យនាងអាចរកចំណូលបានយ៉ាងក្រាស់ក្រែល ។ មួយវិញទៀតបើទោះពើបប្រទះនូវរឿងអាស្រូវជាមួយអតីតគូស្នេហ៍ នាយ ចឺម នឹងលេចធ្លាយព័ត៌មានមានស្វាមីនិងកូនពីរនាក់ក្តី តែ មាស នីតា ថាមិន មានផលប៉ះពាល់ចំពោះការងារសិល្បៈនាងឡើយ។ផ្ទុយទៅវិញកាន់តែមានការងារហូរចូលជាច្រើន៕
