សិល្បៈ
មិនចាញ់តារារៀមច្បងប៉ុន្មានឡើយមួយរយៈចុងក្រោយនេះតារាចម្រៀងដែលមានដើមកំណើតមកពីខេត្តកំពង់ស្ពឺ ឈិន ម៉ានិច្ច កាន់តែបង្ហាញភាពឡូយឆាយតាមរយៈសម្ភារៈទំនើបៗ ដែលមានដូចជារថយន្ត គ្រឿងពេជ្រ ហើយថ្មីៗនេះនាងកាន់តែធ្វើឱ្យមិត្តភក្តិបើកភ្នែកធំៗ ខណៈបង្ហាញវីឡាថ្មីដែលជាញើសឈាមរបស់នាងក្រោយការខិតខំប្រឹងប្រែងជាច្រើនឆ្នាំ កន្លងមកនៅក្នុងសិល្បៈ ។
ថ្មីៗនេះ ឈិន ម៉ានិច្ច បានបង្ហាញវីឡាថ្មីដែលសាងសង់ជិតរួចរាល់ តែក្នុងនោះនាងមិនបាន បញ្ជាក់ថាវីឡាថ្មីរបស់ខ្លួនមានទីតាំងនៅទីណាឡើយ ដែលបើតាមដឹងនេះជាផ្ទះទីបីរបស់ នាងបន្ទាប់ពីផ្ទះដំបូងនៅបុរីវិមានភ្នំពេញនិងផ្ទះដែលនាងបានសាងសង់ជូនអ្នកមានគុណនៅខេត្តកំពង់ស្ពឺជាទឹកដីកំណើតនាពេលកន្លងមក ។
មានការលាន់មាត់សរសើរពីសំណាក់មិត្ត ភក្តិក៏ដូចជាអ្នកគាំទ្រក្រោយឃើញតារាចម្រៀង ឈិន ម៉ានិច្ច ជោគជ័យខ្លាំងនៅក្នុងអាជីព ចម្រៀងបែបនេះ ។ មានការសង្ស័យថាវីឡាស្កឹមស្កៃនេះអាចជាទ្រនំស្នេហ៍ព្រោះតារាចម្រៀង ដែលចូលប្រឡូកស្របាលនាងសុទ្ធតែមានដៃគូអស់ហើយ ។
ដ្បិតមានសំឡេងផ្អែមពីរោះ តែកន្លងមក ឈិន ម៉ានិច្ច ត្រូវបានមហាជនរិះគន់ថាការរៀបចំខ្លួន របស់នាងមិនសូវទាក់ភ្នែកដូចតារារួមទ្រនំ ប៉ុន្តែចុងក្រោយនេះគេសង្កេតឃើញថា ឈិន ម៉ានិច្ច ហាក់មានសម្រស់ផូរផង់ ហើយការរៀបចំខ្លួនទៀតសោតក៏ស្រស់ស្អាតប្លែកខុសពីមុន ទៀតផង ។ កន្លងមកធ្លាប់មានការខ្សឹបខ្សៀវថា ឈិន ម៉ានិច្ច មិនហ៊ានសិចស៊ីព្រោះគូស្នេហ៍ ប្រចណ្ឌ៕
