![](https://blogger.googleusercontent.com/img/b/R29vZ2xl/AVvXsEiwLxGPr2YlOhf_MOSZV2mhF4Rdm4KgLfYE-ACbkzucbndehIdCHNRPFMNltNpBZes1fLnQ_ThzZdF7YSVJ00gMI_tZYMrnmkOtoiNa2IR94AudaLzBMWA7dNBpJvO-Tfc9hKLHbAJk7d_LThVc2cxIGTF9Rb7YXsTAygJVH-w0tKB0MVx9Oqed1oFMiQ/s1600/Thumbnail.jpg)
សង្គម
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅយប់ថ្ងៃទី១២ ខែកុម្ភៈនេះ បានបញ្ជាឲ្យក្រសួងព័ត៌មានលុបចោលអាជ្ញាបណ្ណវិទ្យុវីអូឌី (VOD) ចាប់ពីពេលនេះតទៅ និងត្រូវបញ្ចប់ការផ្សាយនៅត្រឹមម៉ោង១០និង០០នាទីព្រឹកថ្ងៃទី១៣ ខែកុម្ភៈ ឆ្នាំ២០២៣ ជាកំហិត បន្ទាប់ពីវិទ្យុVOD មិនព្រមសូមទោសសម្តេច និងឧត្តមសេនីយ៍ឯក ហ៊ុន ម៉ាណែត។ សម្ដេចតេជោថ្លែងបញ្ជាក់ឱ្យដឹងនៅយប់ថ្ងៃទី ១២ ខែកុម្ភៈ ឆ្នាំ២០២៣នេះ។
«តើការប្រើពាក្យសោកស្តាយ និងសូមអធ្យាស្រ័យវាជំនួសឲ្យពាក្យសុំទោសបានដែរឬទេ? សម្រាប់ខ្ញុំមិនអាចទទួលយកបានឡើយ។ តើការបកស្រាយបំភ្លឺនៅទីនេះមានចេតនាទម្លាក់កំហុសឲ្យមន្ត្រីរាជរដ្ឋាភិបាលមែនទេ? ទុកជូនឯកឧត្តមផៃ សុីផាន ពិនិត្យលទ្ធភាពប្តឹ.ងទៅតុលាការ។ ខ្ញុំកាន់តំណែងក្នុងរដ្ឋរយៈពេលជាង៤៤ឆ្នាំ ហើយក្នុងនោះតំណែងនាយករដ្ឋមន្ត្រីរយៈ ពេលជាង៤៤ឆ្នាំខ្ញុំពិតជាយល់ដឹងល្មមគ្រប់គ្រាន់នូវពាក្យពេចន៍ដែលត្រូវបានប្រើរាប់ទាំងពាក្យសំដីវាគ្មិនមួយចំនួនដែលចូលមកសម្ភាសក្នុងរឿងផ្លូវច្បាប់ទាក់ទងដល់ ការផ្តល់ជំនួយដល់ប្រទេសទួកគីដែល វាគ្មិនខ្លះព្យាយាមវា.យទាំងឪវា.យទាំងកូន ដែលកូននោះគឺហ៊ុន ម៉ាណែតដែលគាត់ ពុំបានដឹងរឿងអ្វីសោះ។
តើនេះ ឬជាវិជ្ជាជីវៈ ដែលអស់លោកចង់ផ្សាយដោយអចេតនានោះ?។ ដើម្បីកុំឲ្យវែងឆ្ងាយខ្ញុំសម្រេចមិនទទួល យកការសំដែងការសោកស្តាយ និងសូមការអធ្យាស្រ័យជំនួសឲ្យការសុំទោស របស់អស់លោកដែលជាសេចក្តីថ្លៃថ្នូរ និងកិត្តិយសរបស់អស់លោកនោះឡើយ។
ក្នុងនាមរាជរដ្ឋាភិបាលដែលត្រូវការពារ កិត្តិយសរបស់ខ្លួនខ្ញុំសម្រេចបញ្ចប់រឿង នេះដោយឲ្យក្រសួងព័ត៌មានលុបចោល អាជ្ញាប័ណ្ណវិទ្យុវីអូឌី(VOD)ចាប់ពីពេលនេះតទៅ និងត្រូវបញ្ចប់ការផ្សាយនៅត្រឹម ម៉ោង10.00នាទីថ្ងៃ១៣កុម្ភៈ ២០២៣ជា កំហិត។
សូមសាលារាជធានីភ្នំពេញ និងស្ថាប័ន ពាក់ពន្ធ័ជួយការពារសណ្តាប់ធ្នាប់ និងទ្រព្យសម្បត្តិនៃវិទ្យុនេះឲ្យបានគង់វង្ស។ យើងបិទតែការផ្សាយគ្រប់ប្រភេទនៃវិទ្យុនេះប៉ុណ្ណោះតែយើងមិនប៉ៈពាល់ទ្រព្យសម្បត្តិរបស់គេទេ។ សូមមិត្តភក្តិបរទេសដែលផ្តល់លុយឲ្យ វិទ្យុនេះបង្វឹលលុយទៅប្រទេសវិញឬជួយទៅប្រទេសផ្សេង។ សូមបុគ្គលិកដែលធ្វើការនៅវិទ្យុនេះស្វែង រកការងារធ្វើនៅកន្លែងផ្សេងទៀត»៕
![](https://blogger.googleusercontent.com/img/b/R29vZ2xl/AVvXsEggymkePvXub2SWIXpxDM2yV4Yg-JXUjc2Xyiqqdm3h678Uweb-Ez1l4Uw7AH-YiXLqvg5PSIDm0FK9COymjfdLPC5rsQR_VOUrK4CmNJVPq5Q0hUIfcv8FI2T8Hy6arXyi26uSyCXSuxTqxhcTp6UCXzS2bZMoRUOmtq6vpNthcvIHlDmdof9w3A_d0Q/s1600/111%20%286%29.jpg)
![](https://blogger.googleusercontent.com/img/b/R29vZ2xl/AVvXsEi-ddicrznbnyKBzE8MAXpHoqWJGRf41wrYaMbvVSjC7gL3qGB4sG9-aTMZzld77fTXZCXC1Feshb27rGQGbqoiC8Av9MSh4UO0wFv763_yawewNP5LBWOigzUKnU_6tnJ408RkjquAgEJXjnhnPbWXwWz13Tu3LEZS9DCmy_7ncnvIRvNwLiAvleFhBg/s1600/111%20%287%29.jpg)
![](https://blogger.googleusercontent.com/img/b/R29vZ2xl/AVvXsEjJb2ibh1SCWPi6yZcU12yZYIpa2-yvfOWfxm7rSoBYM975hNL-9JtOCuiF9NjfbcAlpouTuqJLAAm61ClijPSSJnxiQaeMlIVzMroWaCHBidO8mBHjFHKpnqEgylSd6h9opflbt58FU-5EOY_-xzaYH4SOB4ygNGQpl1HD0ukSuLBuE1_eM3btHIn6QQ/s1600/111%20%288%29.jpg)