សិល្បៈ
មានការចាប់អារម្មណ៍ជាខ្លាំងក្រោយបានឃើញពិធីការិនី គង់ សុជាតិ បង្ហាញរូបភាពដ៏ស្រស់ ស្អាតជាមួយកូនស្រីទីពីររួមនឹងពាក្យពេចន៍ជូនពរស្តាប់ហើយពិតជាពោរពេញទៅដោយភាពកក់ក្តៅជាខ្លាំង ។ ប៉ុន្តែអ្វីដែលធ្វើឱ្យអ្នកគាំទ្របើកភ្នែកធំៗនោះគឺកូនស្រីរបស់ពិធីការិនី គង់ សុជាតិ កាន់តែមានសម្រស់ស្អាតហើយរូបរាងក៏ស្រឡូនប្រែប្រួលប្លែកខុសពីមុន ។
ធ្មេចបើកៗកូនស្រីទីពីររបស់អ្នកនាង គង់ សុជាតិ ជាមួយអតីតស្វាមីលោក ម៉ៅ សាលភាព មានវ័យ១៨ឆ្នាំហើយអ្នកនាងក៏មិនភេ្លចនិងជូនពរក៏ដូចជាបង្ហាញក្តីស្រឡាញ់ដល់កូនស្រីតាមរយៈការបង្ហោះសារនៅក្នុងថ្ងៃខួបកំណើតរបស់កូនស្រីជាទីស្រឡាញ់កាលពីថ្ងៃទី១៦ម្សិលមិញ នេះ។
បង្ហាញរូបភាពជាមួយកូនស្រីពិធីការិនីរូបនេះបាននិយាយថា«18ឆ្នាំថ្មីពិតជាមាននយ័ណាស់សម្រាប់ម្តាយនិងគ្រួសារមួយនេះម៉ាក់មានតែពាក្យពិតក្នុងចិត្តជូនពរឱ្យកូនស្រីម្នាក់នេះជួបតែសេចក្តីសុខក្នុងចិត្ត និង កាយព្រមទាំងរីករាយស្រស់ស្រាយនៅក្នុងជីវិត !! ម៉ាក់ស្រលាញ់កូនខ្លាំងណាស់ស្រលាញ់ លើសជីវិតរបស់ម៉ាក់ you’re my បេះដូង my ស្នេហា Happy Birthday កូនស្រីសំណព្វ»។
ការលើកឡើងរបស់អ្នកនាង គង់ សុជាតិ ក៏ទទួលបានការជូនពរជាច្រើនពីសំណាក់មិត្ត ភក្តិក្នុងនិងក្រៅសិល្បៈដល់កូនស្រីអ្នកនាងនៅក្នុងថ្ងៃខួបកំណើតនេះ ។ ក្នុងនោះក៏មានការ សរសើរស្ទើរគ្រប់គ្នាថាកាន់តែធំកូនស្រីរបស់ពិធីការិនី គង់ សុជាតិ កាន់តែមានសម្រស់ស្អាត មិនចាញ់អ្នកម្តាយប៉ុន្មានឡើយ ។ ជាមួយនឹងការអរគុណអ្នកនាង គង់ សុជាតិ បាននិយាយថា កូនស្រីប្រែប្រួប្លែកបែបនេះដោយសារនាងស្រកគីឡូច្រើនជាងមុន។
អ្វីដែលកត់សម្គាល់ដ្បិតមិនមាននិស្ស័យសិល្បៈដូចអ្នកម្តាយក៏ពិតមែន តែ នីម៉ូ កូនស្រី គង់ សុជាតិ ត្រូវបានគេដឹងថា ជាសិស្សពូកែម្នាក់នឹងទទួលបានមេដាយជាហូរហែនៅក្នុងការប្រឡងនាពេលកន្លងមក។ មិន តែប៉ុណ្ណោះ នីម៉ូ ក៏ធ្លាប់ចេញទៅប្រកួតប្រជែងនៅក្រៅប្រទេសទៀតផង ៕
