សង្គម
ដើម្បីបង្ហាញក្តីស្រឡាញ់ក៏ដូចជាភាពកត្តញ្ញូដឹងគុណដល់អ្នកម្តាយតារាសម្តែង ឌី សូនីតា្ត បានរៀបចំពិធីបុណ្យចម្រើនព្រះជន្មនិងបច្ច័យបួនជូនដល់អ្នកមានគុណយ៉ាងអធិកអធមកាល ពីថ្ងៃទី១៦ល្ងាចមិញនេះ។
ដោយសារតែបង្ហាញវត្តមានមិនដែលបាត់មុខនៅក្នុងកម្មវិធីរបស់មិត្តរួមអាជីពនានាទើបនៅ ក្នុងកម្មវិធីបុណ្យចម្រើនព្រះជន្មនិងបច្ច័យបួនរបស់ ឌី សូនីតា គេសង្កេតឃើញមានសិល្បករ ការិនីថ្មីចាស់ចូលរួមយ៉ាងកុះករដែលកាន់តែធ្វើឱ្យពិធីបុណ្យរបស់តារាសម្តែងរូបនេះជូនអ្នកម្តាយកាន់តែមានភាពអធិកអធមនិងអ៊ូអរថែមមួយកម្រិតទៀត ។
ក្នុងនាមជាម្ចាស់កម្មវិធី ឌី សូនី ត្តាបានរៀបចំខ្លួនក្នុងឈុតប្រពៃណីខ្មែរយ៉ាងស្រស់ស្អាតនឹងបង្ហាញនូវអារម្មណ៍រីករាយជាខ្លាំង ដោយបានឃើញមិត្តភក្តិចូលរួមនៅក្នុងកម្មវិធីរបស់ខ្លួនយ៉ាងច្រើនលើសពីការរំពឹងទុក ។
ក្នុងនោះក៏មានការសរសើរដល់ ឌី សូនីតា្ត ដែលជាកូនស្រីល្អដែលមានទឹកចិត្តធ្វើបុណ្យជូន អ្នកម្តាយដែលត្រូវបានគេប៉ាន់ប្រមាណថាចំណាយប្រាក់មិនតិចនោះឡើយ។ក្រៅពី ឌី សូនីត្តា ដែលបានរៀបចំពិធីបុណ្យចម្រើនព្រះជន្មនិងបច្ច័យបួនជូនដល់អ្នកមានគុណកន្លងមកគេឃើញតារាសម្តែង ពៅ លីដា និងលោក ពៅ ពិសិដ្ឋ ជាប្អូនប្រុស និង ពិធីការិនី សុភ័ក្ត្រ កុសុម៉ា ក៏បានរៀបចំពិធីបុណ្យជូនអ្នកមានគុណខ្លួនយ៉ាងអធិកអធមផងដែរ៕
