សង្គម
កីឡាករគុនខ្មែរ រហ័សនាមកែងពិ.ឃា.ត ធឿន ធារ៉ា ត្រឹមតែមួយរយៈពេលខ្លីសោះ បានបង្កើតកំណត់ត្រាដ៏អស្ចារ្យ ដែលមិនធ្លាប់មានសម្រាប់ប្រដាល់គុនខ្មែរ តាមរយៈការយកឈ្នះខ្សែក្រវ៉ាត់ចំនួន ៣ខ្សែជាប់ៗគ្នា ក្នុងរយៈត្រឹមតែ ៥៧ថ្ងៃប៉ុណ្ណោះ ហើយជ័យជម្នះខ្សែក្រវ៉ាត់ទាំង៣នេះ គឺសុទ្ធតែបានផ្តួ..លដៃគូដោយមិនចប់ទឹកទាំងអស់។
កាលពីថ្ងៃទី ២៤ ខែធ្នូ ឆ្នាំ២០២២ ទទួលបានខ្សែក្រវ៉ាត់ ថៃហ្វៃនៅប្រទេសថៃ នៅថ្ងៃទី ១១ ខែកុម្ភៈ ឆ្នាំ២០២៣ ទទួលបានខ្សែក្រវ៉ាត់ IPCC World Champion នៅខេត្ត ស្វាយរៀង ហើយនៅថ្ងៃទី ១៨ ខែកុម្ភៈ ឆ្នាំ២០២៣នេះ ទទួលបានខ្សែក្រវ៉ាត់ Krud គុនខ្មែរ នៅខណ្ឌកំបូល រាជធានីភ្នំពេញ។
បន្ទាប់ពីបានបង្កើតកំណត់ត្រាទាំងនេះហើយ កីឡាករគុនខ្មែររូបនេះ បានទទួលការឧបត្ថម្ភជាច្រើនពីសំណាក់អ្នកគាំទ្រ ក្នុងនោះមានដូចជាដីឡូតិ៍ រួមទាំងថវិការាប់ម៉ឺនដុល្លារ និងឱកាសថតស្ពតផ្សព្វផ្សាយពាណិជ្ជកម្មឱ្យផលិតផលនានា ជាបន្តបន្ទាប់ទៀតផង។
ក្រោយពីទទួលថតស្ពតទី១ បន្ទាប់ពីឈ្នះខ្សែក្រវ៉ាត់ថៃហ្វៃ នៅថ្ងៃ ២០ ខែកុម្ភៈ ឆ្នាំ២០២៣នេះ លោកគ្រូអេភូថង បានបង្ហោះឱ្យដឹងនូវរូប២សន្លឹក ជាមួយនារីម្នាក់ កំពុងថតស្ពត តែយ៉ាងណាយើងមិនទាន់ដឹងថាជាផលិតផលអ្វីនោះឡើយ ដោយក្នុងនោះលោកគ្រូអេ បានត្រឹមបញ្ជាក់ឱ្យដឹងថា៖ «ថតបានប៉ុណ្នឹងចែកមើលសិន បន្តិចទៀតបានដឹងថាគេកំពុងថតអ្វី»។
បន្ទាប់ពីឃើញឱកាសល្អៗរបស់កីឡាករគុនខ្មែរទទួលបានលទ្ធផលបែបនេះ អ្នកគាំទ្របានសម្ដែងការអបអរសាទរយ៉ាងច្រើន ក្នុងនោះក៏មានអ្នកគាំទ្រចង់ឱ្យធឿន ធារ៉ា ថតខ្សែភាពយន្តទៀតផងដោយលើកឡើងថា៖ «ខ្ញុំចង់ឱ្យធារ៉ាបានថតលក្ខណៈខ្សែភាពយន្តមួយ ពីភាពអ្នកច.ម្បាំ.ងដើម្បីរក្សាទុកឱ្យក្មេងជំនាន់ក្រោយៗបានដឹង និងស្គាល់យល់ពីអ្នកខ្លាំងគុនខ្មែរ គឺដូចដែលលោកគ្រូបានថតរឿងពីមុនអ៊ីចឹង»៕
