សង្គម
លោក ចាន់ សំណាងហៅ ឌីជេ ក្តិប ក្រោយពីបាត់មុខនៅលើវិថីសិល្បៈ អស់រយៈពេលប្រមាណជា៥ឆ្នាំមកនេះ ទាំងការបង្ហាញវត្តមានលើឆាក ក៏ដូចជាស្នាដៃនិពន្ធចម្រៀង ពេលនេះលោកបានប្រកាសឱ្យដឹងពីឱកាសក្នុងការត្រឡប់ និងបញ្ចេញស្នាដៃជាថ្មីម្ដងទៀតនេះហើយក្នុងពេលឆាប់ៗ។
ធ្លាប់ជាអ្នកចម្រៀង និងជាអ្នកនិពន្ធប្រចាំផលិតកម្មហង្សមាសរូបនេះ បន្ទាប់ពីបាត់វត្តមាននៅលើវិថីសិល្បៈយ៉ាងយូរមក ថ្មីៗនេះស្រាប់តែវត្តមានរបស់លោក បានបង្ហាញការច្រៀង និងចាក់ភ្លេងតាមក្លឹបកម្សាន្តនានា ហើយអ្វីដែលបញ្ជាក់កាន់តែច្បាស់ថាលោកនឹងវិលចូលវិថីសិល្បៈវិញនោះគឺ លោកបានប្រកាសតាមរយៈអាខោនផ្ទាល់ខ្លួនថា៖
«ទុកសិល្បៈចោល ៥ ឆ្នាំហើយ ហើយក៏រំភើបដែលមានឱកាសត្រលប់មកវិញម្តងទៀតជាមួយនឹងស្នាដៃថ្មីឆាប់ៗ»។ ក្រោយពីឃើញបែបនេះ មានអ្នកគាំទ្ររបស់លោកជាច្រើនបានសម្ដែងការសាទរ និងរង់ចាំស្នាដៃរបស់លោក ដោយក្នុងនោះក៏មានអ្នកខ្លះថា៖ «រង់ចាំបទ ម៉ូតូខ្ញុំ(new version )យូរហើយកាលចេញ»!៕
