សង្គម
តារាចម្រៀងចំណូលថ្មីនៅក្នុងផលិតកម្មហ្គាឡាក់ស៊ី ហ៊ិន លីដា បានចេញបទចម្រៀងថ្មីៗជា បន្តបន្ទាប់ដែលមានទាំងបទមនោសញ្ចេតនា និងបទញាក់ ។ អ្នកគាំទ្រជាច្រើនលាន់មាត់ថា ហ៊ិន លីដា ប្រែប្រួលប្លែកទាំងការរៀបចំខ្លួន និងរូបសម្រស់ តែយ៉ាងណានាងមិនទាន់អាច ប្រជែងតារាចម្រៀងជាមួយមិត្តរួមទ្រនំ តន់ ចន្ទសីម៉ា បានឡើយ។
ដោយសារសមត្ថភាពជាចំបងបានធ្វើឱ្យតារាចម្រៀង ហ៊ិន លីដា ក្លាយចម្រៀងនៅក្នុង ផលិតកម្មហ្គាឡាក់ស៊ីដែលគិតមកដល់ពេលនេះនាងថតបទចម្រៀងបានប្រមាណជាជិត ២០ បទទៅហើយដែរ ។ បើក្រឡេកមកមើលសម្រស់និងការរៀបចំខ្លួនរបស់ ហ៊ិន លីដា ពិត ជាប្លែកនឹងទាក់ទាញជាងមុន ។
កន្លងមកធ្លាប់មានការលើកឡើងពីសំណាក់អ្នកគាំទ្រថា ហ៊ិន លីដា អាចជាគូប្រជែងរបស់តារាចម្រៀង តន់ ចន្ទសីម៉ា ប៉ុន្តែយ៉ាងណាតារាសម្បុរស្រអែមរូប នេះបានប្រាប់អ្នកព័ត៌មានថានាងមិនមានបំណងប្រជែងតារារូបណាទេនាងស្រឡាញ់និងចាត់ ទុក តន់ ចន្ទសីម៉ា ជារៀមច្បង។ ចុងក្រោយ ហ៊ិន លីដា ថែមទាំងកំពុងប្រឹងប្រែងរកអ្វីដែល ជាស្ទីលប្រចាំខ្លួនទៀតផង។
មិនខុសពី តន់ ចន្ទសីម៉ា ប៉ុន្មានឡើយចុងក្រោយនេះ ហ៊ិន លីដា មានការប្រែប្រួលប្លែក ជាពិសេសរូបរាងស្រឡូនស្អាតហើយការរៀបចំខ្លួនក៏ទាក់ទាញនិងទាន់សម័យជាងមុនដែល ហ៊ិន លីដា បានបញ្ជាក់ថានាងបានសម្រកគីឡូដល់ទៅជាង ១០គីឡូឯណោះទើបមើល ឃើញប្លែកបែបនេះ។ គេមិនទាន់ដឹងថាតាមរយៈទឹកដមសំឡេងរបស់ ហ៊ិន លីដា តើនាង អាចមានឱកាសបានច្រៀងរួមគ្នាជាមួយកំពូលតារាចម្រៀង ព្រាប សុវត្ថិ ខេមរៈ សិរីមន្ត និង លោក ខេម ឬយ៉ាងណាឡើយ ៕
