សិល្បៈ
ប្រមាណជាជាងមួយខែហើយដែលតារាចម្រៀង សុខ ស្រីនាង បានបាត់មុខពីកម្មវិធីប្រគំតន្រ្តី នានាទាំងក្នុងទូរទស្សន៍និងតាមបណ្តារខេត្តហើយថ្មីៗនេះទៀតសោតនាងក៏បានបាត់បង់តំណែងជាគណៈកម្មាការនៅក្នុងការប្រឡងចម្រៀង Cambodian Idol Juniorរដូវកាលទីពីរ ថែមទៀត។មានការសង្ស័យថាតារាចម្រៀងរូបរាងស្រឡូនស្អាតរូបនេះអាចនឹងរៀបការស្ងាត់ៗ ហើយផ្អាកអាជីពសិល្បៈមួយរយៈ។
ចុងក្រោយនេះតារាចម្រៀងដែលមិនសូវមានរឿងអាស្រូវ សុខ ស្រីនាង ហាក់មិនមានសកម្ម ភាពសិល្បៈដូចមិត្តរួមទ្រនំឡើយហើយការចែករំលែករូបភាពតាមបណ្តាញសង្គមក៏មានភាពស្ងប់ស្ងាត់ដែលធ្វើឱ្យអ្នកគាំទ្រមានការព្រួយបារម្ភពីសុខភាពរបស់នាង។តែក៏មានអ្នកខ្លះសង្ស័យថា សុខ ស្រីនាង អាចនឹងបញ្ចប់អាជីពលក់សំនៀងមួយនេះ ។
អ្វីដែលកត់សម្គាល់ថ្មីៗនេះ សុខ ស្រីនាង ក៏មិនមានឱកាសបានក្លាយជាគណៈកម្មាការប្រឡងចម្រៀងលំដាប់ពិភព លោក Cambodian Idol Junior ដូចរដូវកាលទីមួយឡើយ ។
មិនទាន់មានប្រភពណាមួយទម្លាយពីភាពស្ងប់ស្តាត់របស់តារាចម្រៀង សុខ ស្រីនាង ឡើយ ព្រោះដឹងស្រាប់ហើយថាតារាចម្រៀងសម្បុរស្រអែមស្រស់រូបនេះមិនសូវបើកបង្ហាញពីជីវិតឯគជនដូចតារាដទៃឡើ់យ ។ សូម្បីការសម្ញែងនូវភាពហាយសូរតាមរយៈសម្ភារៈនានាក៏គេកម្រ ឃើញនាងបង្ហាញជាសាធារណៈតាមបណ្តាញសង្គមដែរ ។
នៅតែមានការសង្ស័យថា សុខ ស្រីនាង អាចនឹងរៀបការស្ងាត់ៗហើយផ្អាកពីអាជីពនេះមួយរយៈ តែខ្លះលើកឡើងថា នាង អាចនឹងបញ្ចប់ការងារនេះក៏ថាបាន។ជាក់ស្តែងមួយរយៈមុននាងក៏បានដើរលំហែរនៅប្រទេសបារាំងយ៉ាងហាយសូរមិនធម្មតាដែរ ៕
