![](https://blogger.googleusercontent.com/img/b/R29vZ2xl/AVvXsEjb6bA_ql7sn650dnVmHocAlZyBQ3o5rjz8sybgATuOv3VXSEZgKM_nfG_OGQrStaBQJ4J75uR1P0Y30GfEIavIAsgmExOhfM9znfTnnsfdvxzHXejn5vHRCz2CoXexSMeC-Qe8n0yMIlh9ABKjXZmhYZwtEA3FjUoRmWZ3HcC7v7V138euhZAg7SQkcA/s1600/Thumbnail.jpg)
សិល្បៈ
នៅសល់៦៧ថ្ងៃទៀត ដំណើរឆ្ពោះទៅព្រឹត្តិការណ៍ស៊ីហ្គេម និង អាស៊ានប៉ារ៉ាហ្គេម ដែល មាន ប្រទេសកម្ពុជាធ្វើជាម្ចាស់ផ្ទះនឹងចាប់ផ្តើមបើកដំណើរការហើយ។ ប៉ុន្តែអ្វីដែលធ្វើឱ្យមហាជន មានការចាប់អារម្មណ៍នោះគឺគ្រាប់ពេជ្រប្រចាំផលិតកម្មហ្គាឡាក់ស៊ី តន់ ចន្ទសីម៉ា នឹងចាប់ ដៃគូច្រៀងរួមគ្នាជាមួយរៀមច្បង ឱក សុគន្ធកញ្ញា នៅក្នុងបទចម្រៀងមួយដែលធ្វើឱ្យ តន់ ចន្ទសីម៉ា រីករាយជាខ្លាំង ។
ជាមួយនឹងរូបភាពខ្លះៗដែលតារាចម្រៀង តន់ ចន្ទសីម៉ា បានចែករំលែកនៅក្នុងបណ្តាញ សង្គមរួមនឹងសារខ្លីដែលមានអត្ថន័យថា«ខ្ញុំសូមគោរពអរគុណលោកអ៊ំឯកឧត្តមរដ្ឋមន្រ្តី ខ្ញុំពិត ជាមានក្ដីរំភើបបំផុតដែលលោកបានរៀបចំឲ្យនាងខ្ញុំ ច្រៀងជាមួយអ្នកគ្រូ ឱក សុគន្ធកញ្ញា ក្នុងបទស៊ីហ្គេមផ្លូវការ»។
ការលើកឡើងរបស់តារាចម្រៀងដែលមានដើមកំណើតមកពីខេត្តតា កែវរូបនេះបានធ្វើឱ្យទស្សនិកជនជាអ្នកគាំទ្រមានការភ្ញាក់ផ្អើលនិងលាន់មាត់ថាដឹងតែកក្រើក ហើយព្រោះអាយដលទាំងពីរប៉ះគ្នានៅក្នុងព្រឹត្តិការណ៍ដ៏ធំបែបនេះ ។
ងាកមក តន់ ចន្ទសីម៉ា ឯណេះវិញបានបង្ហាញអារម្មណ៍រំភើបខ្លាំងព្រោះមិននឹកស្មានថាខ្លួន អាចមានឱកាសបានច្រៀងរួមគ្នាជាមួយតារាចម្រៀងដ៏ល្បី ឱក សុគន្ធកញ្ញា នឹងធ្លាប់ជាអតីត គណៈកម្មាការនៅក្នុងកម្មវិធីដែលខ្លួនធ្លាប់ប្រឡងនាពេលកន្លងមក។ មិនតែប៉ុណ្ណាះជាកម្មវិធី ដ៏ធំថែមទៀតផង ។
រហូតមកដល់ពេលនេះ តន់ ចន្ទសីម៉ា នៅតែជាគ្រាប់ពេជ្រនៅក្នុងផលិត កម្មរបស់អ្នកឧកញ៉ាវ័យក្មេង ឡេង ណាវ៉ាត្រា ដែលមិនទាន់មានតារាស្រីរូបណាប្រជែង តំណែងនេះបានឡើយ ។ កាន់តែមានប្រជាប្រិយភាពសម្រស់របស់តារាចម្រៀងដែលមាន ដើមកំណើតមកពីខេត្តតាកែវរូបនេះកាន់តែស្រស់ស្អាតបើប្រៀបពីមុនខុសគ្នាដូចមនុស្សពីរនាក់ផ្សេងគ្នា ៕
![](https://blogger.googleusercontent.com/img/b/R29vZ2xl/AVvXsEiZkl4Y4zJQ8J_RleznFLO1dqRxuaum6OPNBpWI2brm9E2rp-6vJfED5OgtA-3ojp7lUJyIbLTBPt1QbOeESaGIp6fmU7oL0-kRIPU4tvPbD0_-gBMLcnPzPyCeh1L1eYLEv4FYXJPgx1_TbkY66Od4JVO2FrOcRELfUiViinyRePgHECvQciuSzqD2yA/s1600/photo_2023-02-27_11-24-25.jpg)
![](https://blogger.googleusercontent.com/img/b/R29vZ2xl/AVvXsEgbLbuP5uzSekIyOEDTo_ktVmG9UOFOFHydhDMENE0FS7pIqY89G8JYFm419fR4oXBlTluMWW8WPXFtV_wHDp01HLuiyp9o9ReeUwHCE8Wcfmc3D2vyE0CnRRwEyWJ_G-T1-AHujR1a43iW0nCaC9VpcMRff9m3YReMakZWZDIuF_aL_BGFBIar01Dq4Q/s1600/photo_2023-02-27_11-24-26.jpg)
![](https://blogger.googleusercontent.com/img/b/R29vZ2xl/AVvXsEhrIV6tfBQ1C2fc7uebdppbnzM1aS2DnccbZqXbZgUtgAV9nf65Cu1BkWuqUWZEPdKOrGyEQ4YtBKzfWF7XWzK7zM-DJqkivxX-TPDdtbf2pdRJry1I1G0W_vXFzO66KZgZ4QFOz1bU5Yc8NvcM454w8zYMb2GK4ExGYs9fds63xlViWthhn1f_r5ylMg/s1600/photo_2023-02-27_11-24-27.jpg)
![](https://blogger.googleusercontent.com/img/b/R29vZ2xl/AVvXsEjVP8VdqM-64KAWUXpKSnWKj2HXAgKFtgc0_JFLdXKkrl94u7OM38u_auptxscaXo9j8WOJM7t0zMv2bPxJGFuGmINy7F7aEeiFbZrYqh9ns3whgEqe51iYugFI_Qdx3uiVDZx5y80BQadAcBQifHgtSJmla2mkTKLe4xxje2FKF2IaK5kiwjDKyleGsA/s1600/photo_2023-02-27_11-24-29.jpg)
![](https://blogger.googleusercontent.com/img/b/R29vZ2xl/AVvXsEgGxKW0O3Dwi0L5XDJoi0JKCSoX5evEW5AyThLBIE2-sRM9vbD24Egyu-72QpS_y_46m2KfDAcAS3Xnfmz9F7DxxEVkUF2ohBkUAgXF03d0VP4Y30KLyRsw0ySt2qwsGfZVxqHNOvDAp5Bu5SzFApKnjBgHXTu6fU7oIocGNK9SKerQeZUZrsZ1PvvMAQ/s1600/photo_2023-02-27_11-24-31.jpg)
![](https://blogger.googleusercontent.com/img/b/R29vZ2xl/AVvXsEior9LGtX6fDnJYeS_pLi1xkahvCjNq9OLkjlb3yW3oHehZeeGo7koufbgiOdpH2i6XwZkvl0N4sNCqxz_4s7ro_fLbpYEeBeG4L9lqG9A9BfZ7JS3gazWzEZE5pUy036omtULdyZZYwm4KfPGf243DYgtxGraWezJseJzix3h-XrBYzI50RoHjBpFUtA/s1600/photo_2023-02-27_11-24-32.jpg)
![](https://blogger.googleusercontent.com/img/b/R29vZ2xl/AVvXsEhgwebTa_BE_iWwYVeAzJx5fxcF_WSRCpRmUEYwuHKnTG2E6sOOH3Zo14ozo10tzzzFLcL7ri2l1Zc98FK3vC03_Cf42jXEmEJRnU09KJcyR32NrqiMJK2BDKTPUXDJfN3qQ21RkAyWnbsH-TBg-TskYBqzAKxUbpcU95CollsIEPufLicc19Cbsfg13A/s1600/photo_2023-02-27_11-24-33.jpg)
![](https://blogger.googleusercontent.com/img/b/R29vZ2xl/AVvXsEhBRJe0OxGQcWsA-OBG6LG2rtXSf_MBm9xlUzaJC0tQD3kF1xIVprvfjGDf2xIvx4JLqJVQ5iGG17VZqPgKiX15i-VVqPSAKzr9NlNucP_9g6gw3ZioH2Slexb59bEqgNywdy4dFuTcFRnEDjLDBFctC9lMIq3OEIJKxwVQUast6Qo6yupEvt684pET7w/s1600/photo_2023-02-27_11-24-34.jpg)
![](https://blogger.googleusercontent.com/img/b/R29vZ2xl/AVvXsEjDAug9F77RsAXffHuQYq14Mi6OSV6m4SlH2Tb8GLRD3cE0qpjsLpGV1WjSygeyFlLR7VVQwUslkKZhevuZfXikgB5duE8E-8yRj-N8OvW8nz8ExW1ZtvV5FNDHL-C-QaHl1vpAzkoismSfv04BDpvYTuV7lu201OJvjSP89JHpAT3fnU4RbSGudA125g/s1600/photo_2023-02-27_11-24-35.jpg)