សិល្បៈ
ក្នុងការចាប់ដៃគូរសហការជាមួយផលិកម្ម KlapYaHandz Records , Treellion Park កំពុងរៀបចំការត្រឡប់មកសារជាថ្មីម្តងទៀតរបស់ការប្រគុំតន្ត្រី BREATHE Festival ដែលកន្លងមកគឺទទួលបានការចាប់អារម្មណ៍ពីទស្សនិកជនជាង១០០០នាក់កាលពីខែកញ្ញា ឆ្នាំ២០២២កន្លងទៅ។
ការត្រឡប់មកវិញជាលើកទីពីរនេះ នឹងធ្វើឡើងនៅថ្ងៃទី១១ ខែមីនា ឆ្នាំ២០២៣ចាប់ពីម៉ោង៤រសៀលតទៅ និងដើម្បីធ្វើឱ្យកាន់តែរីករាយនោះ ឆាកធំដ៏បំផុតគឺមានទីតាំងនៅជាប់ The Bus និងឆាកចំនួនបីបន្ថែមទៀតគឺមានទីតាំងនៅ ភោជនីយដ្ឋានThe Glasshouse, ហាងMonsieur Wine Bar និង ទីតាំង The Whalehouse Performing។
លើសពីនេះ សិល្បៈករជាច្រើនរូបដូចជាលោកVin Vitou, លោក Ruthko, លោក Vuthea និង លោកVi70 ធ្លាប់បានចូលរួមសម្តែងក្នុងការប្រគុំតន្ត្រីនេះម្តងរួចមកហើយ ដូច្នេះសម្រាប់ការត្រឡប់មកជាថ្មីរបស់ការប្រគុំតន្ត្រី BREATHE Festival នេះនឹងធ្វើឱ្យមានការកក្រើកយ៉ាងខ្លាំងក្នុងវិស័យ hip-hop នៃប្រទេសកម្ពុជា និងគ្រប់វិស័យសិល្បៈទាំងអស់ ជាមួយសិល្បៈករល្បីៗជាច្រើនរូបដូចជា ក្រុមLacima Cartel, កញ្ញាTey, ក្រុមPolarix, លោកKwan, លោកMan Doss, លោកMFatt, លោកVito, កញ្ញាChor Yee, DJ Larry Zinc, DJ Stillca$hrules, DJ Esther Mao, DJ Kenny Chase, ការសម្តែងគុនខ្មែ, ក្រុមសម្តែង Quantum Project និងមានការសម្តែងដ៏គួរឱ្យភ្ញាក់ផ្អើលជាច្រើនទៀត។
សំបុត្រEarly Birdគឺបានដាក់លក់នៅលើកម្មវិធីទូរស័ព្ទដៃ LIVE. By Wonderpass ដែលមានតម្លៃ៥ដុល្លារក្នុងម្នាក់តែប៉ុណ្ណោះដោយមានការផ្តល់ជូនភេសជ្ជៈមួយ រហូតដល់ថ្ងៃទី២៨ ខែកុម្ភៈ ឆ្នាំ២០២៣ នៅម៉ោង១១:៥៩នាទីយប់។ ចំណែកសំបុត្រRegular មានតម្លៃ៨ដុល្លារក្នុងម្នាក់តែប៉ុណ្ណោះដោយមានការផ្តល់ជូនភេសជ្ជៈមួយ ចាប់ពីថ្ងៃទី០១ ខែកុម្ភៈ ឆ្នាំ២០២៣តទៅ តាមរយៈ onlineនិងនៅទីតាំងការប្រគុំតន្ត្រីផ្ទាល់តែម្តង។ លោកអ្នកអាចរីករាយជាមួយការទទួលទានម្ហូបcanapesនិងភេសជ្ជៈដោយសេរីនៅតំបន់ VIP នៅភោជនីយដ្ឋានBaliku at L’Orangerie ក្នុងតម្លៃត្រឹមតែ១៨ដុល្លារតែប៉ុណ្ណោះក្នុងម្នាក់សម្រាប់កម្មវិធីទាំងមូល ជាមួយសិល្បៈករទាំងអស់បន្ទាប់ពីការសម្តែងរបស់ពួកគេ។
ទិញសំបុត្រឥឡូវនេះ: https://wonderpass.asia/event/treellion_breathe_festival
Facebook Event: https://www.facebook.com/events/5551932861595849
ការត្រឡប់មកវិញរបស់ BREATHE Festivalត្រូវបានរៀបចំឡើងដោយ Treellion Park និង ផលិតកម្មKlapYaHandz គឺជាដៃគូរសហការជាមួយBakong/KHQR។ ដៃគូរសហការ និងអ្នកឧបត្ថម្ភកម្មវិធីរួមមាន Nham24, B-Side, ASK Events និងIsland Center Point Resort។
