សិល្បៈ
នរណាមិនសរសើរ សម្រាប់ទិវាបុណ្យនៃក្តីស្រឡាញ់ Valentine’s Day នៅ ក្នុងឆ្នាំនេះតារាចម្រៀងរូបស្រស់ វីរៈ និច្ច ទទួលបានកាដូរថយន្តទំនើបថ្មីសន្លាង ពីសំណាក់ស្វាមីជាទីស្រឡាញ់ឃើញហើយពិតជារំភើបជំនួស ។ ខ្លះលាន់ មាត់ថា សំណាងណាស់ វីរៈ និច្ច មានស្វាមីស្រឡាញ់ហើយថែមទាំងដៃទូលាយ ថែមទៀត។
មិនមែនបាច់ផ្កាកូលាប មិនមែនជាកាដូប្រាក់ដុល្លារ តែស្វាមីតារាចម្រៀងប្រចាំ ផលិតកម្មសាន់ដេ វីរៈ និច្ច បានចំណាយប្រាក់ទិញរថយន្តពណ៌ខ្មៅស៊េរីទំនើប តម្លៃរាប់ម៉ឺនដុល្លារជូនដល់ភរិយានៅក្នុងឱកាសទិវានៃក្តីស្រឡាញ់ ១៤កុម្ភៈនេះ ។
ជាមួយនឹងទឹកមុខស្រស់ស្រាយបង្ហាញពីអារម្មណ៍រំភើប វីរៈ និច្ច បានបង្ហាញ រូបភាពជាមួយ នឹងកាដូរថយន្តដ៏ស្រស់ស្អាតរបស់ស្វាមីអមដោយសារខ្លីដែល មានអត្ថន័យថា«មិនបាច់ផ្កា 99ទងអីទេ សុំតែប៉ុន្នឹងរាល់ឆ្នាំទៅបានហើយ Happy valentine & happy anniversary huni»។ ការលើកឡើងរបស់ តារាចម្រៀង វីរៈ និច្ច បានធ្វើឱ្យអ្នកគាំទ្រមានការត្រេកអរនិងចូលរួមជូនពរ ចំពោះជីវិតគូរបស់នាង និងស្វាមីគ្រប់ៗគ្នា។
ពេលនេះតារាចម្រៀង វីរៈ និច្ច កាន់តែមានសេចក្តីសុខនិងសុភមង្គលនៅក្នុង គ្រួសារតូចខណៈឆាប់ៗខាងមុខនេះនាងក៏ត្រៀមខ្លួនទទួលសមាជិកថ្មីជាកូនពូជដែលសមទៅតាមបំណងនាងនិងស្វាមីកន្លងមក។ ដ្បិតទើប រៀបការ រយៈ ពេលខ្លីក៏ពិតមែន តែ វីរៈ និច្ច និងស្វាមីជោគជ័យគួរសម ដោយ អ្នកទាំងពីរ បានទិញផ្ទះវីឡាដ៏ស្រស់ស្អាតផ្ទាល់ខ្លួនហើយថែមទាំងមានហាងរកស៊ីបន្ថែមពីលើអាជីពចម្រៀងថែមទៀត ។
ជារឿយៗប្តីប្រពន្ធតារាចម្រៀង រូបនេះតែង ចែករំលែករូបភាពស្វីត ស្វីត តាមបណ្តាញសង្គមដល់ ហ្វេន ហ្វេន ឃើញហើយ រំភើបជំនួសតែម្តង៕
