សង្គម
ពីមួយថ្ងៃទៅមួយថ្ងៃចំណងស្នេហ៍របស់តារាសម្តែងរូបស្រស់សាច់សដូចបណ្តូលចេក អៀ ម៉េងលិ និងគូស្នេហ៍កាន់តែផ្អែមល្ហែមនិងស៊ីជម្រៅបើទោះទំនាក់ទំនងរបស់ពួកគេមានរយៈ ពេលខ្លីក្តី ។ អ្វីដែលចាប់អារម្មណ៍ អៀ ម៉េងលិ ត្រូបានគូស្នេហ៍ហាមឃាត់មិនឱ្យស្លៀកពាក់ សិចស៊ីនឹងទទួលសម្តែងឆាកស្នេហាជាមួយតារាប្រុសនានា។
ដោយសារតែសម្រស់ស្អាតផូរផង់ អៀ ម៉េងលិ មិនខ្លាចក្នុងការស្លៀកពាក់ទាន់សម័យសិចស៊ី នោះឡើយហើយជារឿយៗនាងតែងទទួលបានការលាន់មាត់សរសើរតាមរយៈការលេងម៉ូដចិត្តល្អទាំងនេះតែពេលនេះ អៀ ម៉េងលិ ត្រូវផ្លាស់ប្តូរការតុបតែងខ្លួនមកជាសុភាពវិញម្តង។
មិនត្រឹមប្តូរការតុបតែងខ្លួននោះទេសូម្បីការថតឈុតស្នេហាជាមួយតួប្រុសក៏ត្រូវបានហាមឃាត់ដោយសារគូស្នេហ៍ជាមនុស្សប្រចណ្ឌ ។ ទោះជាយ៉ាងនេះក្តី អៀ ម៉េងលិ ហាក់មិន មានការខ្វល់ខ្វាយអ្វីឡើយពោលនាងយល់ព្រមដោយពេញចិត្ត។ ស្រីស្រស់រូបនេះគិតថាមនុ ស្សស្រឡាញ់គ្នាត្រូវចេះកែតម្រូវនូវចំណុលមិនល្អរៀងខ្លួន។តួយ៉ាងការតែងខ្លួនសិចស៊ីមិនមែនជារឿងល្អដូនេះឡើយ នាងគួរទទួលយកការកែតម្រូវមួយនេះ ។
ដោយសារគូស្នេហ៍ជាមនុស្សប្រចណ្ឌដូនេះឱកាសក្នុងការសម្តែងរឿង ជាពិសេសឈុតកៀក កើយជាមួយតួប្រុសនានា អៀ ម៉េងលិ ប្រហែលគ្មានឱកាសទៀតទេ។ណាមួយនាងក៏មិន មានពេលវេលាគ្រប់គ្រាន់ព្រោះជាប់រវល់នៅក្នុងការងាររកស៊ីជាមួយមិត្តប្រុស។
ប៉ុន្តែសម្រាប់ ការទទួលថតស្ប៉តពាណិជ្ជកម្មនានានៅតែទទួលថតជាធម្មតា។ បើទោះចំណងស្នេហ៍របស់ អៀ ម៉េងលិ និងគូស្នេហ៍កាន់តែស៊ីជម្រៅនឹងមានការដឹងឮពីសំណាក់ចាស់ទុំទាំងសងខាងក្តី តែយ៉ាងណានាងមិនទាន់គិតគូររកវេលាល្អចូលរោងជ័យនោះទេ។អ្វីដែលកត់សម្គាល់នោះទំនាក់ទំនងទើបចាប់ផ្តើមក្តី តែ អៀ ម៉េងលិ ហាក់ពេញចិត្តនូវសំណាងរបស់ខ្លួនដោយបាន សរសើរ គូស្នេហ៍ពេញៗមាត់ថាជាមនុស្សប្រុសល្អយល់ចិត្តខ្លាំង៕
