សង្គម
មិនចាញ់មិត្តរួមអាជីពប៉ុន្មានឡើយ នៅក្នុងពេលឆាប់ៗខាងមុខនេះតារាសម្តែងលោក សាយ សៀរ៉ា ត្រៀមចេញទៅសម្តែងនៅប្រទេសបារាំង និងអាល្លឺម៉ងរយៈពេលបួនសប្តាហ៍រួមជាមួយ តារាមួយចំនួនទៀត ។ តារាសម្តែងរូបនេះបង្ហាញអារម្មណ៍រីករាយជាខ្លាំងក្រោយមានឱកាស ចេញទៅកើបប្រាក់ដុល្លារនៅបរទេសក្រោយជំ ងឺកូ វីដស្ងប់ស្ងាត់ ។
បើតាមគម្រោងតារាសម្តែង សាយ សៀរ៉ា នឹងត្រូវចេញទៅសម្តែងនៅប្រទេសបារាំង និងអាល្លឺម៉ង់នៅចុងខែមិនាខាងមុខនេះដូច្នេះសម្រាប់ពិធីបុណ្យចូលឆ្នាំប្រពៃណីខ្មែរនៅក្នុងឆ្នាំ នេះលោកមិនបាននៅក្នុងស្រុកកំណើតទេ ។ ទោះជាតារាសម្តែង តែជារឿយៗលោក សាយ សៀរ៉ា តែងមានឱកាសចេញទៅសម្តែងនៅក្រៅប្រទេសជាញឹកញាប់ទើបតែអាក់ខានរយៈ ពេលប៉ុន្មានឆ្នាំចុងក្រោយនេះប៉ុណ្ណោះ ។ ជាមួយនឹងការចាកចេញទៅសម្តែងរបស់តារាដែល មានដើមកំណើតមកពីខេត្តកំពង់ចាមរូបនេះបានធ្វើឱ្យមហាជនជាអ្នកគាំទ្រមានការជូនពរដល់រូបលោកគ្រប់គ្នា ។
លោក សាយ សៀរ៉ា ក៏ជាតារាប្រុសដែលមានប្រជាប្រិយភាពម្នាក់ដែរ តែចូលប្រឡូកក្នុង សិល្បៈច្រើនឆ្នាំលោកកម្របង្ហាញភាពហ៊ឺហាដូចតារាដទៃឡើយ ។ ប៉ុន្តែមិនមែនមានន័យថា លោកមិនមានធនធាននោះទេ ។ការពិតលោក សាយ សៀរ៉ា បានសំងំសង់ផ្ទះវីឡាធំស្កឹមស្កៃ ជូនដល់ឪពុកម្តាយនៅឯស្រុកកំណើតដែលស្ថិតនៅក្នុងខេត្តកំពង់ចាមឯណោះ ។
អ្វីដែលចាប់ អារម្មណ៍ទោះមានវ័យច្រើនទៅហើយក្តី តែតារាសម្តែងរូបនេះហាក់មិនទាន់អើពើបង្ហាញមុខ ដៃគូជាសាធារណៈដល់អ្នកគាំទ្រនោះទេខណៈមិត្តសិល្បៈដែលចូលប្រឡូកដំណាលរូបលោក ខ្លះរៀបការនិងមានកូនប្រឡែងលេងអស់ទៅហើយ៕
