សិល្បៈ
បើគិតមកដល់ពេលនេះរយៈពេលប្រមាណជាបីឆ្នាំហើយដែលពិធីការិនីដែលមានឈ្មោះបោះសំឡេងទាំងពីរដួងអ្នកនាង គង់ សុជាតិ និង កែវ ចាន់និមល នៅតែតមមាត់មិននិយាយរកគ្នា បើទោះពួកគេទាំងពីរជួបគ្នានៅក្នុងកម្មវិធីតែមួយក្តី។ យ៉ាងណាមិញថ្មីៗនេះពិធីការិនីទាំងពីរ រូបបានបង្ហាញវត្តមានរួមគ្នានៅក្នុងកម្មវិធីរៀបអាពាហ៍ពិពាហ៍ប្អូនថ្លៃស្រីតារាចម្រៀង នី រតនា កាលពីពីរថ្ងៃមុននេះ ។
កាលពីថ្ងៃទី ១៥កន្លងទៅតារាចម្រៀង នី រតនា បានអញ្ជើញមិត្តភក្តិរួមទ្រនំជាច្រើនចូលរួម នៅក្នុងកម្មវិធីអាពាហ៍ពិពាហ៍ប្អូនថ្លៃស្រីរបស់លោក។ ក្រៅពីតារាចម្រៀងជាច្រើននៅក្នុង ផលិតកម្មហង្សមាសគេសង្កេតឃើញពិធីការិនី គង់ សុជាតិ និង កែវ ចាន់និមល ក៏មានវត្តមាន នៅក្នុងពិធីមង្គលនេះដែរ ។
ប៉ុន្តែយ៉ាងណាអ្នកទាំងពីរមិនបានមើលមុខគ្នាចំពោលមិននិយាយ រកគ្នា នឹងថតរូបជុំគ្នាឡើយ ។ មិនមានអ្វីចម្លែកទេព្រោះកន្លងមកពិធីការិនីទាំងពីរនេះបានតម មាត់មិននិយាយរកគ្នាក្រោយលេចធ្លាយរឿងអាស្រូវកាលពីជិតបីឆ្នាំមុន។
ទោះបីជាយ៉ាងនេះក្តីសព្វថ្ងៃនេះអ្នកនាង គង់ សុជាតិ ក៏បានចាប់គូជាមួយស្វាមីលោក ជា វិបុល ដែលមានទាំងកម្មវិធីធំៗមួយចំនួនសមតាមប្រាថ្នា ។ ដោយឡែក ពិធីការិនី កែវ ចាន់ និមល ក៏បានបាត់ បង់តំណែងនៅក្នុងកម្មវិធីធំៗដែលអ្នកនាងធ្លាប់កាន់កន្លងមក តែយ៉ាងណា នាងអ្នកនាងនៅតែទទួលបានការស្រឡាញ់និងពេញចិត្តពីសំណាក់មហាជនដដែល ៕
