សិល្បៈ
ក្រោយពីទំនាក់ទំនងជាមួយគ្នាបានមួយរយៈពេលនេះតារាចម្រៀងប្រចាំផលិតកម្មថោន លោក ពេជ្រ ថាណា បានដឹកដៃគូស្នេហ៍ស្រីស្អាត ម៉េង មុនី្ននាថ ទិញផ្ទះវីឡាយ៉ាងធំស្កឹមស្កៃ ហើយតម្លៃក៏ខ្ពស់មិនធម្មតាដែរ ។ បើតាមគម្រោងអ្នកទាំងពីរនឹងឡើងផ្ទះវីឡាលំដាប់អភិជន នេះនៅក្នុងពេលដ៏ខ្លីខាងមុខ។ជាមួយនឹងភាពហ៊ឺហារបស់តារាចម្រៀង ពេជ្រ ថាណា បានធ្វើឱ្យមិត្តភក្តិក្នុងនិងក្រៅសិល្បៈបើកភ្នែកធំៗស្ទើរគ្រប់គ្នា ។
ជឿជាក់ថាអ្នកគាំទ្រពិតជាបានដឹងហើយថាក្រោយពីភរិយាស្លា..ប់ចោលប្រមាណជាពីរឆ្នាំ តារាចម្រៀង ពេជ្រ ថាណា ក៏រកបានដៃគូថ្មីជាតារាស្រីរូបស្រស់ដែលមានឈ្មោះថា ម៉េង មុន្នីនាថ។ ខុសពីទំនាក់ទំនងជាមួយភរិយាមុនលោក ពេជ្រ ថាណា បានបើកបង្ហាញពីចំណងស្នេហ៍ របស់ខ្លួនជាសាធារណៈតាមបណ្តាញសង្គមថែមទៀត ។
ចំណងស្នេហ៍របស់ ពេជ្រ ថាណា ក៏ទទួលបានការគាំទ្រពីសំណាក់មិត្តភក្តិក្នុងនិងក្រៅសិល្បៈជាច្រើនដោយម្នាក់ៗបានសរសើរថាអ្នកទាំងពីរស័ក្តិសមគ្នា ។អ្វីដែលកត់សម្គាល់ដោយសារទំនាក់ទំនងកាន់តែស៊ីជម្រៅនិង ជាក់លាក់ថែមទាំងមានការដឹងឮពីសំណាក់ចាស់ទុំទៀតនោះទើបថ្មីៗនេះលោក ពេជ្រ ថាណា និងគូស្នេហ៍បានបណ្តើរគ្នាទិញវីឡាថ្មីលំដាប់អភិជនដែលមានការព្រលយថាមានតម្លៃ ក្បែរលានដុល្លារឯណោះ ។
ជាមួយនឹងសមាជិកថ្មីជាផ្ទះវីឡាដ៏ធំស្កឹមស្កៃនោះតារាចម្រៀង ពេជ្រ ថាណា បានបង្ហោះសារ អមជាមួយនឹងរូបភាពយ៉ាងផ្អែមល្ហែមជាមួយគូស្នេហ៍ថា «គូជីវិតគឺគូដែលមិនបោះបង់ចោលគ្នាស្មោះត្រង់រវាងគ្នានិងគ្នារួមសុខរួមទុក្ខជាមួយគ្នាពេលគ្រាលំបាក ខ្ញុំខុសចំណុចណាគាត់តែងតែប្រាប់ដើម្បីកែតម្រូវរៀនទទួលកំហុសដែលធ្វើខុសទើបយើងរកត្រូវឃើញកុំបណ្តោយឱ្យខុសនៅតែខុសមួយជីវិតត្រូវកែប្រែពួកខ្ញុំជួបព្យុះសង្ឃរាអស់ហើយនៅតែមិនរត់ចោលគ្នា ទោះជីវិតខ្ញុំបរាជ័យប៉ុន្មានដងក៏នារីម្នាក់នេះតែងតែនៅក្បែរខ្ញុំផ្តល់កម្លាំងចិត្តឱ្យខ្ញុំកាន់តែរឹងមាំ តស៊ូក្រោកឈរក្លាយជាមនុស្សស្ងៀមស្ងាត់អត់ធ្មត់ហើយកាន់តែរឹងមាំអរគុណម្ចាស់បេះដូងដើរទៅមុខដោយស្នាមញញឹមថ្ងៃអនាគតខ្ញុំសូមជូនពរពួកយើងទាំងពីរឱ្យកាន់តែប្រសើរឡើង។អរគុណការបរាជ័យ»។
សារដ៏វែងអន្លាយសរសើរដល់ដៃគូពេញៗមាត់របស់តារាចម្រៀង ពេជ្រ ថាណា បានធ្វើឱ្យអ្នក គាំទ្រ និងមហាជននៅក្នុងបណ្តាញសង្គមមានការលាន់មាត់សរសើរនឹងជូនពឬឱ្យជីវិតគូរបស់ តារាចម្រៀងរូបនេះរឹងមាំជារៀងរហូត ៕
