សង្គម
មានការចាប់អារម្មណ៍ជាខ្លាំង ខណៈថ្មីៗនេះគេបានឃើញគណនីយហ្វេសប៊ុកមួយដែលមាន ឈ្មោះថា Sam Samol ដែលត្រូវគេស្គាល់ថាជាឪពុករបស់តារាចម្រៀងលោក សំ សុវណ្ណារ៉ាក់ បានប្រកាសកាត់កាលតារាចម្រៀងរូបនេះដោយបញ្ជាក់ថាជាកូនមិនស្តាប់ម៉ែឪ និងជេ-រប្រ-មា-ថ ម៉ែឪថែមទៀតផង ។
គណនីយហ្វេសប៊ុក Sam Samol បានបង្ហោះរូបភាពតារាចម្រៀង សំ សុវណ្ណារ៉ាក់ រួមជាមួយនឹងសារដែលមានអត្ថន័យថា«ខ្ញុំបាន សំ សំអុល សូមប្រកាសសូមប្រកាសកាត់ កាលកូនម្នាក់នេះជាសាធារណៈថាកូនម្នាក់នេះចោលចាប់ពីពេលនេះតទៅហើយក៏ឈប់ទទួលស្គាល់ជាកូនផងដោយសារកូននេះមិនស្តាប់បង្គាប់ម៉ែឪជេ-ប្រ-មា-ថម៉ែឪបើថ្ងៃក្រោយមានរឿងអីទៅប្រព្រឹត្តខុ-សច្បា-ប់ខ្ញុំជាអាណាព្យាបាលមិនទទួលខុសត្រូវមុខច្បាប់ឡើយ ថ្ងៃទី ២២ ០៣ ២០២៣»។
«សូមឱ្យគ្រួសារជាសាច់ញាតិនៅខាងស្រុកឈូកខេត្តកំពតឈប់ទទួលស្គាល់ ជាកូនចៅតទៅទៀតវាមិនមែនជាត្រកូលសំទៀតឡើយ ២២ ០៣ ២០២៣»។
ជាមួយនឹងសារកាត់កាលលោក សំ សុវណ្ណារ៉ាក់ ដែលជាតារាចម្រៀងនៅក្នុងផលិតកម្ម ហង្សមាសបានធ្វើឱ្យមហាជន ជាពិសេសអ្នកគាំទ្រមានការភ្ញាក់ផ្អើលជាខ្លាំង ។ ប៉ុន្តែយ៉ាងណាសារនឹងរូបភាពទាំងអស់ត្រូវបានលុបចោលទៅវិញផងដែរ ។ ទោះបីជាត្រូវឪពុកប្រកាស កាត់កាលជាសាធារណៈបែបនេះក្តី តែគេមិនទាន់ឃើញតារាចម្រៀងលោក សំ សុវណ្ណារ៉ាក់ ចេញមុខបកស្រាយអ្វីឡើយ ។ ក្នុងនោះក៏មានហ្វេនៗមួយចំនួនចង់ឱ្យលោកចេញមុខបកស្រាយចំពោះរឿងនេះផងដែរ ៕
