សិល្បៈ
ពេលនេះអតីតតារាសម្តែង កែវ កល្យាណ បានទៅដល់សហរដ្ឋអាមេរិកដោយសុវត្ថិភាព ហើយអ្វីដែលរីករាយនោះអ្នកស្រីបានស្កាត់ទៅជួបមិត្តភក្តិចាស់ដែលសុទ្ធជាអតីតតារាសម្តែងរួមជំនាន់ដែលឃើញហើយពិតជារំភើបជាខ្លាំង ។
គ្រាន់តែទៅដល់ទឹកដីអាមេរិកភ្លាម កែវ កល្យាណ បានស្កាត់ទៅជួបអតីតតារាសម្តែងជើង ចាស់អ្នកស្រី អម្ពរទេវី និង ម៉ៅ សុខចាន់ធី នឹងបាននាំគ្នាទៅដើរលេងកម្សាន្តនៅភ្នំទឹកកក យ៉ាងសប្បាយ ។ នេះជាលើកដំបូងដែលអតីតតារាសិល្បៈជើងចាស់ទាំងនេះបានជួបគ្នា ក្រោយពួកគេចាកចេញពីវិស័យនេះជាង២ទសវត្ស ។អ្វីដែលគួរឱ្យកត់សម្គាល់បើទោះមានវ័យ ច្រើននឹងមានដល់កូនប្រសារទៅហើយក្តី តែសម្រស់របស់អតីតតារាជើងចាស់ទាំងបីរូបនេះ នៅតែស្រស់ផូរផង់មិនថមថយទៅតាមវ័យនោះឡើយ ។
ជាមួយទិដ្ឋភាពដ៏រីករាយរបស់អ្នកស្រី កែវ កល្យាណ ក៏ដូចជាអ្នកស្រីអម្ពរទេវី និង ម៉ៅ សុខចាន់ធី បានធ្វើឱ្យមហាជនដែលធ្លាប់ពេញចិត្តនូវស្នាដៃសម្តែងរបស់តារាជើងចាស់ទាំង នេះចង់ឱ្យពួកគេវិលមកសម្តែងរួមគ្នាជាថ្មីម្តងទៀតព្រោះអតីតតារាជើងចាស់ទាំងនេះសុទ្ធសឹងតែមានសមត្ថភាពហើយសម្រស់ទៀតសោតក៏ស្រស់ស្អាតបែបធម្មជាតិទៀតផង ។
ក្នុងនោះ ក៏មានការជូនពរឱ្យដំណើរកម្សាន្តរបស់អ្នកស្រី កែវ កល្យាណ មានភាពរីករាយ និង សុវត្ថិភាព ពីសំណាក់មហាជនជាអ្នកលេងបណ្តាញសង្គមផងដែរ ៕
