សង្គម
តារាចម្រៀង ទេព បូព្រឹក្ស ត្រៀមបង្ហាញវត្តមាននៅក្នុងការប្រគំតន្រ្តី FFF អាស៊ាន PARTY CONCERT នៅល្ងាចថ្ងៃទី ២៥នេះនៅសណ្ឋាគារកាណាឌីយ៉ាដែលធ្វើឱ្យអ្នកគាំទ្រមានការរីករាយជាខ្លាំង ។ ការវិលត្រឡប់របស់តារាស្រីរូបនេះទាំងនៅខ្ចីខែបានធ្វើឱ្យមហាជនមួយ ចំនួនមានការព្រួយបារម្ភពីសុខភាពរបស់ម៉ាំមីថ្មីថ្មោងរូបនេះផងដែរ ។
ដ្បិតសម្រាលកូនដោយការវះកាត់ក៏ពិតមែន តែពេលនេះ ទេព បូព្រឹក មានសុខភាពមាំទាំល្អ តែសម្រាប់រូបរាងហាក់មិនទាន់ស្រឡូនស្អាតដូចមុនវិញឡើយ ។ ប៉ុន្តែយ៉ាងណានាងត្រៀម នឹងបង្ហាញវត្តមាននៅក្នុងការប្រគំតន្ត្រីដ៏ធំមួយជាមួយលោក ជី ដេវីត ជាគូស្នេហ៍រួមនឹងតារា ចម្រៀងដែលមកពីបណ្តារប្រទេសអាស៊ានមួយចំនួនផង។
ការបង្ហាញមុខកាន់ក្បាលមីក្រូទាំង នៅសរសៃខ្ចីរបស់ ទេព បូព្រឹក្ស បានធ្វើឱ្យមហាជនខ្លះលាន់មាត់សរសើរពីការខិតខំប្រឹងប្រែង រកលុយទាំងនៅខ្ចីខែរបស់តារាចម្រៀងរូបនេះ ។
ការវិលវិញទាំងនៅសរសៃខ្ចីរបស់ ទេព បូព្រឹក្ស បានធ្វើឱ្យហ្វេន ហ្វេន ជាច្រើនរីករាយ នឹងចង់ឃើញសកម្មភាពថ្មីៗរបស់តារាចម្រៀងពូកែលេងស្ទីលតុបតែងខ្លួនរូបនេះ ។
ប៉ុន្តែយ៉ាងណាក៏មានការលើកឡើងថា តើ ទេព បូព្រឹក្ស អាចនឹងបញ្ចេញក្បាច់រាំសាហាវៗដូចមុន ឬយ៉ាងណាមានតែរង់ចាំមើលនៅល្ងាចនេះប៉ុណ្ណាះ។ក្នុងនោះក៏មានហ្វេន ហ្វេន ជាច្រើនចង់ ឃើញការតុបតែងខ្លួនរបស់ ទេព បូព្រឹក្ស និងគូស្នេហ៍ ជី ដេវីត នៅល្ងាចនេះព្រោះដូចដឹងស្រាប់ហើយថាបើមិនប្លែកមិនទាក់ទាញមិនមែន ទេព បូព្រឹក្ស និង ជី ដេវីត ឡើយ៕
