សិល្បៈ
នៅព្រឹក ថ្ងៃសុក្រ ១០កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣១ ខែមីនា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បាននិងកំពុងអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី ដែលប្រព្រឹត្តទៅ នៅវិមានសន្តិភាព រាជធានីភ្នំពេញ។
សម្តេចតេជោ បញ្ជាមិនឱ្យយកលុយពីទូរទស្សន៍បរទេសនានាដែលផ្សាយពីស៊ីហ្កេម ៣២ នៅកម្ពុជាទេ។ នេះបើយោងតាមគណនីហ្វេសប៊ុកផ្លូវការរបស់ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន។
កាលពីពេលកន្លងទៅថ្មីៗនេះ សារព័ត៌មានថៃបានផ្សាយថា កម្ពុជាទារថ្លៃរហូតដល់ ៨០០ ០០០ដុល្លារ ពីប្រទេសថៃ លើសិទ្ធិផ្សាយព្រឹត្តិការណ៍កីឡាស៊ីហ្គេម ដែលថៃថាកម្ពុជាកំពុងទាមទារថ្លៃសេវាខ្ពស់ពីប្រទេសថៃ បើធៀបនឹងប្រទេសម្ចាស់ ផ្ទះអាស៊ានផ្សេងទៀត ។
សូមជម្រាបជូនថា កាលពីម្សិលមិញ យោងតាមសារសំឡេងបន្ទាប់សម្តេចតេជោមានប្រសាសន៍ថា «ខ្ញុំមិនយល់ព្រមដាច់ខាតឲ្យមានការលក់សំបុត្រទាំងការចូលទស្សនាបើក-បិទ និងការប្រកួតកីឡាផ្សេងៗទៀតនៅក្នុងរយៈពេលស៊ីហ្គេម ។
ការលក់សំបុត្រនេះ គ្មានការអនុញ្ញាតពីសម្តេចពិជ័យសេនា ទៀ បាញ់ ហើយក៏គ្មានការអនុញ្ញាតពីសម្តេចតេជោ ជានាយករដ្ឋមន្ត្រី ។ សម្តេចតេជោបានដាក់ចេញបទបញ្ជា៖
១. មិនឲ្យមានការលក់សំបុត្រក្នុងពិធីបើក និងបិទ
២. ឲ្យបងប្អូនចូលទស្សនាដោយសេរីដោយគ្មានការបង់ប្រាក់ ។ ក្រុមណាដែលទទួលខុសពីនេះ នឹងត្រូវទទួលខុសត្រូវចំពោះមុខនាយករដ្ឋមន្ត្រី ឬចំពោះមុខច្បាប់ទៀតផង ។
សូមចងចាំនូវសុភាសិតនេះថា «ធ្វើបុណ្យ ១០០ សំពៅ ទោសមួយចូលទៅរលាយបាត់អស់» ។ យើងចាយលុយអស់រាប់រយលានដុល្លារ ហើយមកលក់សំបុត្រឲ្យជនជាតិឯង បើអ្នកណាចង់បានលុយ សូមទទួលពីសម្តេច ។
សម្តេចតេជោមិននឹកស្មានថា មន្ត្រីមួយចំនួន មិនគិតគូរយកចិត្តទុកដាក់លើបញ្ហានេះ ។ សម្តេចថា នេះជាការស្តីបន្ទោសលើកដំបូងរបស់ខ្ញុំ តើអ្នកណាជាអ្នកនាំអាតឲ្យលក់សំបុត្រ?
