សង្គម
មានការចាប់អារម្មណ៍ពីសំណាក់ហ្វេន ហ្វេនក្រោយពីបានឃើញតារាចម្រៀងប្រចាំផលិតកម្ម សាន់ដេ នាង គន្ធា បានធ្វើខួបពីរឆ្នាំនៃក្តីស្រឡាញ់យ៉ាងផ្អែមល្ហែម ។ ប៉ុន្តែយ៉ាងណាតារាចម្រៀងរូបនេះបានធ្វើជាមួយស្រីស្រស់ម្នាក់ដែលនាងមិនទាន់មានភាពក្លាហានក្នុងការបង្ហាញមុខជាចំហឱ្យមានការសង្ស័យពីទំនាក់ទំនងរបស់អ្នកទាំងពីរ។
កាលពីថ្ងៃទី ២៩កន្លងទៅ នាង គន្ធា បានបង្ហាញរូបភាពមួយសន្លឹកដោយមានការទាំងបាច់ផ្កាកូលាបក្រហមស្រស់ រួមនឹងនំខេកដែលមានអក្សរអង់គ្លេសដែលមានន័យជាភាសាខ្មែរថា «រីករាយខួបពីរឆ្នាំអរគុណសម្រាប់ការចូលមក អរគុណដែលតែងនៅក្បែរខ្ញុំអរគុណគ្រប់យ៉ាង។
អរគុណសម្រាប់ក្តីស្រឡាញ់របស់អ្នកខ្ញុំស្រឡាញ់អ្នកណាស់»។ បើទោះបង្ហាញភាសា ស្នេហ៍យ៉ាងស៊ីជម្រៅបែបនេះក្តី តែតារាចម្រៀង នាង គន្ធា មិនបានបង្ហាញមុខដៃគូជាចំហទេ ប៉ុន្តែនៅក្នុងStory ហ្វេសប៊ុកគេបែរជាឃើញតារាចម្រៀងដែលមានដើមកំណើតមកពីខេត្ត បាត់ដំបងរូបនេះធ្វើខួបពីរឆ្នាំនៃក្តីស្រឡាញ់ជាមួយនារីម្នាក់តែនាងមិនបានបង្ហាញមុខដៃគូនោះឡើយ ។
មានការចង់ដឹងពីសំណាក់ ហ្វេន ហ្វេន ថាតើគូស្នេហ៍តារាចម្រៀងសម្បុរស្រអែមរូបនេះជា នរណា ? ឬជានារី? ជារឿយៗគេតែងឃើញ នាង គន្ធា បង្ហាញភាពល្អូកល្អើនជាមួយស្រីស្អាត ម្នាក់ដែលមានអាជីពជាតារាចម្រៀងដែរ ។ ពេលខ្លះគេបានឃើញអ្នកទាំងពីរទទួលទានមីរួម គ្នាយ៉ាងផ្អែមល្ហែម តែយ៉ាងណាគេមិនទាន់ដឹងថាតើនារីម្នាក់នោះជានារីតែមួយដែលតារាចម្រៀង នាង គន្ធា ធ្វើខួបនៃក្តីស្រឡាញ់គម្រប់ពីរឆ្នាំជាមួយឬយ៉ាងណា ? ក្រោយមានប្រជាប្រិយភាព នាង គន្ធា កាន់តែមានសម្រស់ស្អាតហើយការតែងខ្លួនរបស់នាងក៏ទាន់សម័យជាងមុន តែភាគច្រើន តារាចម្រៀងរូបនេះមិនសូវតែងខ្លួនបែបក្មេងស្រីឃ្យូត ឃ្យូត ឡើយ៕
