សិល្បៈ
ថ្មីៗនេះស្រីស្អាត ដេនីក្វាន់ បានបង្ហាញរូបភាពកៀកកើយជាមួយបុរសវ័យក្មេងរូបសង្ហាម្នាក់ យ៉ាងស្និទ្ធស្នាលនៅតាមបណ្តាញសង្គមក្រោយពីនាងបានប្រកាសបែកគ្នាជាមួយគូស្នេហ៍ជា បុរសវ័យចំណាស់ម្នាក់កាលពីប៉ុន្មានខែមុន ។ ប៉ុន្តែយ៉ាងណា ដេនីក្វាន់ មិនទាន់ហ៊ានបង្ហាញ មុខបុរសម្នាក់នោះឡើយ នាងបានត្រឹមតែបង្ហាញក្រោយខ្នងប៉ុណ្ណាះ។
ជឿជាក់ថាអ្នកគាំទ្រពិតជាបានដឹងហើយអតីតតារាសម្តែងរូបស្រស់សិចស៊ី ដេនីក្វាន់ បាន ភ្ជាប់ស្នេហ៍ជាមួយបុរសវ័យចំណាស់ម្នាក់ដោយទទួលបានចំណងដៃកូនស្រីដ៏គួរឱ្យស្រឡាញ់ម្នាក់ថែមទៀតផង ។ កន្លងមកគេតែងឃើញគូស្នេហ៍ ដេនីក្វាន់ ដែលមានឈ្មោះថា ចឹកឡេង តែងបង្ហាញក្តីស្រឡាញ់និងយកចិត្តទុកដាក់ដល់ ដេនីក្វាន់ ដូចជាព្រះនាង ប៉ុន្តែយ៉ាងណា កាលពីប៉ុន្មានខែមុននេះ ដេនីក្វាន់ បានប្រកាសខ្លួនជា Single Mom ទៅវិញ ។ អ្វីដែលកត់ សម្គាល់គ្រាន់តែក្លាយខ្លួនជា Single Mom ភ្លាម ដេនីក្វាន់ បានបញ្ជាក់ថាមានបុរសៗជាច្រើន បានប្រជែងចូលមកស្អំបេះដូងរបស់នាងជាហូរហែរ ។
ប៉ុន្តែថ្មីៗនេះ ដេនីក្វាន់ បានធ្វើឱ្យអ្នកលេងបណ្តាញសង្គមមានការចាប់អារម្មណ៍ក្រោយពីបាន ឃើញនាងបង្ហាញរូបភាពជាមួយបុរសរូបរាងសង្ហាម្នាក់យ៉ាងស្និទ្ធស្នាល តែយ៉ាងណាអ្នកមេ ម៉ាយរូបស្រស់ម្នាក់នេះមិនបានបញ្ជាក់ពីអត្តសញ្ញាណបុរសម្នាក់នេះទេ ។
ជាមួយរូបភាពផ្អែម ល្ហែមរបស់ ដេនីក្វាន់ ក៏មានការចូលរួមត្រេកអរ និងបញ្ចេញមតិសាទរដល់រូបនាងពីសំណាក់ អ្នកលេងបណ្តាញសង្គមជាច្រើន។ដ្បិតមិនទាន់ឃើញមុខមាត់ក៏ពិតមែន តែមានការលើកឡើ ងថាបុរសម្នាក់នេះពិតជាមានរូបរាងស្រស់សង្ហាមិនធម្មតាឡើយ ។ ងាកមក ដេនីក្វាន់ ឯណេះ វិញទោះមានកូនតូចជាប់ដៃ តែ សម្រស់និងការលេងខ្លួននៅតែទាន់សម័យនិងស្រស់ខ្ញង់ផង ដែរ៕
