header ads

Sponsor

នៅព្រលប់ថ្ងៃទី០៤ ខែមេសា ឆ្នាំ២០២៣នេះ តាមរយៈទំព័រហ្វេសបុករបស់លោកស្រី តាំងហ្គិចលៀង បានរៀបរាប់នូវសំណរសុំការអភ័យទោស ព្រមទាំងលើកឡើងពីការខ្សោយនូវសិល្បៈ ក្នុងការនិយាយ ដែលរហូតដល់មានកំហុសធ្ងន់ដោយអចេតនា។ តាមរយៈសារទាំងស្រុងលោកស្រីបានរៀបរាប់ឱ្យដឹងថា៖

«ចា៎ជំរាបសួរ បងប្អូនខ្មែរទាំងអស់​ ទាំងនៅក្នុងស្រុក​ និងនៅក្រៅស្រុក​ ខ្ញុំសុំអង្វរបងប្អូនទាំងអស់​គ្នាថា​ គោលបំណងល្អរបស់ខ្ញុំត្រូវបានរលាយអស់ហេីយ​ ដោយសារខ្ញុំខ្សោយនូវសិល្ប:និងអក្សរសីលខ្មែរ​ ក្នុងការនិយាយឬនិយាយដោយឡែកគឺខ្ញុំចេះនិយាយបានតែពាក្យសាមញ្ញៗ​ ដែលធ្វេីអោយមានកំហុសឆ្គងធ្ងន់ធ្ងរដោយអចេតនាបំផុត​ ពិសេសគឺធ្វេីអោយសម្តេចពុក​ ហត់នឿយ​ ច្រេីនណាស់ដោយសារកំហុសរបស់នាងខ្ញុំនេះ​ ហេតុនេះនាងខ្ញុំសុំលំអោនកាយសំពះអង្វរ បងប្អូនទាំងអស់មេត្តា​ ខន្តី​អភ័យទោស​ ដល់កំហុសដោយអចេតនារបស់នាងខ្ញុំនេះផងចុះ​ ពិសេសសូមបងប្អូន​ មេត្តា​គោរពនូវខ្លឹមសារនៃការបកស្រាយរបស់សម្តេចពុក(សម្តេចតេជោ)ផង»

ជាមួយគ្នានោះលោកស្រីក៏បានឱ្យដឹងទៀតថា៖ «ដោយសារប៉ុន្មានថ្ងៃនេះមានការលួចក្លែងបន្លំផេគរបស់នាងខ្ញុំ​ នាងខ្ញុំបានទៅដាក់ពាក្យបណ្តឹងនៅនាយកដ្ឋានប្រឆាំងបទល្មេីសបច្ចេកវិទ្យា​ នៅក្រសួងមហាផ្ទៃ​ រួចរាល់ហេីយព្រឹកនេះ»​

ហេតុនេះសូមបងប្អូនមេត្តាបញ្ឈប់នូវសកម្មភាពខុសឆ្គងនេះទៅ​ ដេីម្បីជួយរក្សានូវសណ្នាប់ធ្នាប់​ សន្តិសុខសង្គម​ ព្រោះនាងខ្ញុំនិងបងប្អូនសុទ្ធតែជា​ខ្មែរដូចគ្នា​ កាន់ព្រះពុទ្ធសាសនាដូចគ្នា​ ហេតុនេះការផ្តល់នូវអភ័យអោយគ្នាទៅវិញទៅមក​ គឺជាបុណ្យកុសលធំធេងណាស់​ ព្រោះលេីលោកនេះគ្មានអ្នកណាដែលមិនចេះខុសនោះទេ​ តែសំខាន់ចេះទទួលស្គាល់កំហុសដោយសុទ្ធចិត្ត​ និងកែរប្រែនូវកំហុសនោះឯង​ ។

នាងខ្ញុំសូមគោរពអរគុណបងប្អូនអ្នកគាំទ្រនិងអ្នកមិនគាំទ្រខ្ញុំទាំងអស់​ បងប្អូនគឺជាអ្នកដែលបានផ្តល់នូវមេរៀនល្អ​ ល្អ​ ផ្សេងៗគ្នាអោយនាងខ្ញុំ​ កាន់តែរឹងមាំនិងល្អប្រសេីរទៅអនាគត សូមបងប្អូនទាំងអស់​ មេត្តាអភ័យទោស និងសូមចូលរួមរក្សានូវសណ្តាប់ធ្នាប់សង្គម​ ដេីម្បីរស់នៅក្រោមដំបូលសន្តិភាពនិងអភិវឌ្ឍសង្គមនិងក្រុមគ្រួសារយេីងទាំងអស់គ្នា​។

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post