មានការហួសចិត្តជាខ្លាំងក្រោយបានឃើញគណនីយហ្វេសប៊ុកនារីម្នាក់បានចូលទៅខមិននៅក្នុងការបង្ហោះសារបស់បវរកញ្ញា ប៊ី សុធារី ថាឱ្យដៃសង្សារគេស្រួលម៉េស ដែលធ្វើឱ្យស្រីស្អាត រូបនេះស្រឡាំងកាំងនឹងឆ្លើយផាំងៗទៅវិញតែម្តង ។ ប៉ុន្តែយ៉ាងណាគណនីយនោះមិនបានតបវិញឡើយ។
ថ្មីៗនេះស្រីស្អាត ប៊ី សុធារី បានបង្ហោះសារខ្លីដែលមានអត្ថន័យថា« Single ធ្វើអីក៏បាន»។ ប៉ុន្តែ សារមួយនេះត្រូវបានគណនីយហ្វេសប៊ុកមួយបានចូលទៅខមិនថា«ចឹងបានឱ្យដៃគេស្រួលម៉េសឃ្វីន»។ជាមួយគ្នានោះ ប៊ី សុធារី បានតបវិញថា«សង្សារអ្នកណាដែរហើយបងទៅឱ្យដៃគេម៉េចខ្លះអូនសុំមើលភស្តុតាងតិចមើល ។ បើបងអត់បានធ្វើអ្វីផងបងម៉េចដឹងទាល់អូនឯងបញ្ជាក់ថាបងឱ្យច្បាស់សិនថាបងទៅធ្វើអីដាក់អ្នកណាកន្លែងណា ម៉ោងណា? អូនឯងអ្នកណាដែរបងដូចអត់ស្គាល់អូនឯងសោះ» ប៉ុន្តែយ៉ាងណាគេមិនបានឃើញគណនីយនោះតបមកស្រីស្អាត ប៊ី សុធារី វិញឡើយ ។ តែគណនីយនោះបានឆាតមក Miss Charm Cambodia 2023 រូបនេះជាលក្ខណៈឯកជនថា« ប្រយ័ត្ន» ។
គួរបញ្ជាក់ថា ប៊ី សុធារី ដែលជាMiss Charm Cambodia 2023 តំណាងឲ្យជាតិកម្ពុជា បានចេញទៅប្រទេសវៀតណាម ដើម្បីប្រកួតជាលក្ខណៈអន្ដរជាតិ កាលពីដើមខែកុម្ភៈ កន្លងទៅ។ការប្រកួតវគ្គផ្ដាច់ព្រ័ត្រ Miss Charm International ប៊ី សុធារី បានឈ្នះក្នុងឈុតតំណាងជាតិ ក្នុងចំណោមបវរកញ្ញាពីររូបផ្សេងទៀត គឺបវរកញ្ញាមកពីប្រទេសវៀតណាម និងមីយ៉ាន់មា ក៏បានឈ្នះឈុតតំណាងជាតិដែរ។
អ្វីដែលកត់សម្គាល់សព្វថ្ងៃ ប៊ី សុធារី ក៏មានហាងឆេងមិនធម្មតាដែរដោយនាងលេចមុខនៅក្នុងការសម្តែងរឿងនិងស្ប៉តពាណិជ្ជកម្ម ក៏ដូចជាចូលរួមនៅក្នុងកម្មវិធីធំៗជាហូរហែ ។ ពេលនេះ Miss Charm Cambodiaរូបនេះក៏កំពុងមានវត្តមាននៅក្នុងរឿងភាគ«ម្ចាស់កីតម្បាញ» របស់ស្ថានីយទូរទស្សន៍ហង្សមាស ដោយសម្តែងជាតួសេដ្ឋីនី ដែលមានឈ្មោះ យ៉ាន ៕
