សមាជិកក្រុមជម្រើសជាតិបាល់ទះកម្ពុជា ត្រូវបានក្រុមគ្រួសារលាក់បាំងពីមរណភាពអ្នកមានគុណមុនពេលប្រកួតជាមួយថៃ តែដំណឹងសោកសៅនេះត្រូវបានទម្លាយក្រោយឈ្នះថៃ ដើម្បីឡើងទៅដណ្ដើមមេដាយមាស។ នេះបើយោងតាមការបញ្ជាក់ឱ្យដឹងពីឯកឧត្តម ខៀវ កាញារិទ្ធ នៅលើបណ្ដាញសង្គមព្រឹកថ្ងៃទី ០៨ ខែឧសភា ឆ្នាំ២០២៣នេះ។
ឯកឧត្តមបានបញ្ជាក់នូវសារទាំងស្រុងថា៖
«ដេីម្បីជាតិ សមាជិកក្រុមជម្រើសជាតិបាល់ទះកម្ពុជា តួនាទីលីប្រូ កីឡាករឈាង ភារ័ត្ន បានបាត់បង់អ្នកមានគុណម្នាក់ មុនពេលប្រកួតជាមួយក្រុមជម្រើសជាតិថៃ ប៉ុន្តែត្រូវបានក្រុមគ្រួសារលាក់បាំង ដោយហេតុថាខ្លាច ភារ័ត្ន ប៉ះពាល់ផ្លូវចិត្តមិនអាចប្រកួតបាន។ ដំណឹងសោកសៅនេះទេីបតែទម្លាយក្រោយពេល កម្ពុជា យកឈ្នះថៃឡេីងវគ្គផ្ដាច់ព្រ័ត្រដណ្ដើមមេដាយមាស។ សូមចូលរួមរំលែកទុក្ខផង🙏»
