ច្បាស់ហើយ កីឡាករប៊ូ ខាវ មកដល់កម្ពុជាថ្ងៃនេះ ក្រសួងការពារជាតិ សំណូមពរប្រជាជនរក្សាភាពថ្លៃថ្នូរ និងសុជីវធម៌

ច្បាស់ការហើយ កីឡាករជើងឯក MauyThai ប៊ូ ខាវ (Buakaw Banchamek) បានរួមដំណើរជាមួយក្រុមកីឡា ឃីកបុកស៊ីង របស់ប្រទេសថៃ បានធ្វើដំណើរមកកម្ពុជានាថ្ងៃនេះ សម្រាប់ការប្រកួតក្នុងព្រឹត្តិការស៊ីហ្គេម លើកទី៣២ ចាប់ពីថ្ងៃទី១៣ ខែឧសភា ២០២៣តទៅ។ នេះបើយោងតាមការឲ្យដឹងពីក្រសួងការពារជាតិ នៅល្ងាចថ្ងៃទី ១២ ខែឧសភា ឆ្នាំ២០២៣នេះ។ 

ជាមួយគ្នានេះដែរក្រសួងការពារជាតិកម្ពុជា សំណូមពរដល់បងប្អូនយើង សូមរក្សាភាពថ្លៃថ្នូរ និងសុជីវធម៌របស់យើង កុំប្រមាថលើបុគ្គលណាម្នាក់ ក្នុងនាមយើងជាម្ចាស់ផ្ទះ។