លោក បែ មករា អគ្គលេខាធិការក្លិបបាល់ទាត់បឹងកេតបានបញ្ជាក់ថា៖ សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន AKASA Media Solutions និង ក្រុមហ៊ុន AXIS Residences សម្រាប់ការចូលរួមជាដៃគូរសហការគាំទ្រ ជាមួយក្លិបបាល់ទាត់បឹងកេត ។ ការចូលរួមគាំទ្រក្នុងវិស័យកីឡាទោះជាក្នុងចំណែកណាមួយវាពិតជាមានសារៈសំខាន់ និងជាកំលាំងជំរុញក្នុងការខិតខំប្រឹងប្រែងអភិវឌ្ឍន៍វិស័យមួយនេះអោយមានភាពរីកចម្រើន និងមានភាពរឹងមាំដើម្បីកសាងធនធានកីឡាសម្រាប់ជម្រើសជាតិ ដើម្បីប្រកួតប្រជែងជាមួយប្រទេសក្នុងតំបន់ ។ ជាថ្មីម្តងទៀតខ្ញុំសូមគោរពជូនពរដល់ក្រុមហ៊ុនសហការគាំទ្រទាំងពីរសូមទទួលបានជោគជ័យ និងកាន់តែរីកចម្រើនថែមទៀត ៚
ចំណែកលោក ខាំ ភូរិ តំណាងAKASA Media Solutions បានថ្លែងតាមបណ្ដាញសង្គមថា៖ អាកាសា មេឌា សឹលូសិន មានក្តីសោមនស្ស ដែលបានចូលរួមជាផ្នែកមួយនៃការផ្សព្វផ្សាយ និងលើកស្ទួយវិសយកីឡាជាតិកម្ពុជា ហើយសន្យានៅតែបន្តគាំទ្រ ដោយក្តីគោរព និងស្រលាញ់រហូតទៅ។
ខណពេលដែល លោក យ៉ង់ វិចិត្រ តំណាងAXIS Residences បានរៀបរាប់ថា៖ ជំនួសមុខជូនលោកអគ្គនាយក Edwin Low ខ្ញុំបាទសូមថ្លែងអំណរគុណដល់ក្លឹបបាល់ទាត់បឹងកេត ដែលបានផ្តល់ឱកាសអោយ AXIS Residences យេីងខ្ញុំក្លាយជាផ្នែកមួយរបស់ក្លឹប ក្នុងការចូលរួមសហការគ្នា សំដៅអភិវឌ្ឍវិស័យបាល់ទាត់នៅកម្ពុជាអោយមានភាពរីកចំរើន៕
រូបភាព៖ ក្លិបបាល់ទាត់បឹងកេត