ភ្នំពេញ៖ ប្រេីល្បិចធ្វេីជាទិញភេសជ្ជៈមួយកែវ ឃេីញឱកាសស្ងាត់ ក៏ធ្វើសកម្មភាព យកកូនកាំបិតផ្ជង់ និង វាយប្លន់យកកាបូបលុយពីនារីជាអ្នកលក់កាហ្វេបានសម្រេច ហេីយរត់ឡេីងម៉ូតូបម្រុងជិះរត់គេចខ្លួន ប៉ុន្តែប៉ះចំនារីចិត្តសឿង ក៏លោតធាក់ជន ជនសង្ស័យប្រតាយប្រតប់ដណ្តេីមបានកាបូបមកវិញ ចំណែកជនសង្ស័យភ័យស្លន់ស្លោ ក៏បន្ថែមល្បឿនរត់គេចខ្លួនបាត់ស្រមោល។
ហេតុការណ៍ភ្ញាក់ផ្អើលនេះដែរបានកើឡើងកាលពីវេលាម៉ោង៥:៣០នាទីថ្ងៃទី៣១ ខែកក្កដា ឆ្នាំ២២៣ ទាបភ្លឺនៅតូបការហ្វេរមួយកន្លែង មានទីតាំងស្ថិតនៅតាមបណ្ដោយផ្លូវម៉ៅសេទុង កែងផ្លូវ៦៣ សង្កាត់ទន្លេរបាក់ ខណ្ឌចំការមន រាជធានីភ្នំពេញ ។
យោងតាមប្រភពពត៌មានពីនារីជាជនរងគ្រោះ សុំមិនប្រាប់ឈ្មោះបានប្រាប់អោយដឹងថា នៅមុនពេលកេីតហេតុ គាត់បានមកបេីកតូបកាហ្វេលក់ជាធម្មតា ក៏មានជនសង្ស័យម្នាក់ ជិះម៉ូតូមិនចាំម៉ាក បានមកប្រេីល្បិចធ្វេីជាទិញខារ៉ាបាវមួយកំប៉ុងគាស់ដាក់កំប៉ុងទឹកកក ។ បន្ទាប់មកជនសង្ស័យ បាននិយាយសួរនាំនាងថាមកលក់គ្នាប៉ុន្មាននាក់? នារីជាជនរងគ្រោះ បានកុហកថា មកលក់ពីរនាក់បងប្រុស ។
បន្ទាប់ពីគិតលុយរួច ជនសង្ស័យមិនព្រមចេញ ពីមុខតូបកាហេ្វ គាត់ក៏មានការសង្ស័យ ក៏មានការប្រុងប្រយ័ត្នខ្លួនដែរ ហេីយឃេីញឱកាសស្ងាត់ ជនសង្ស័យបានរត់ទៅកូនកាំបិតនៅក្នុងកន្ត្រកម៉ូតូ រត់ចូលមកក្នុងតូប ធ្វេីសកម្មភាពផ្ជង់ បោចសក់និងវាយនាងបណ្តាលអោយពកថ្ងាស់ ប្លន់យកកាបូបស្ពាយចំហៀងបានសម្រេច រត់ឡេីងម៉ូតូបម្រុងរត់គេចខ្លួន។ ដោយសារសារនារីរងគ្រោះចិត្តសឿង ក៏រត់ទៅលោតធាក់ជនសង្ស័យ ប្រតាយប្រតាយប្រតប់គ្នា រត់តាមម៉ូតូជនសង្ស័យប្រមាណ៣០ម៉ែត្រ ទេីបដណ្ដើមបានកាបូបមកវិញ ចំណែកជនសង្ស័យបន្ថែមល្បឿនរត់គេចខ្លួនបាត់ស្រមោល ។
នារីរងគ្រោះបញ្ចាក់ថា នៅក្នុងកាបូបស្ពាយ មានទូរស័ព្ទដៃមួយគ្រឿង និង លុយមួយចំនួន ចំពោះហេតុការណ៍នេះនារីរងគ្រោះក៏បានទៅដាក់ពាក្យបណ្ដឹងនៅប៉ុស្តិ៍នគរបាលសង្កាត់ទន្លេបាសាក់ រួចហើយ។
