មានការភ្ញាក់ផ្អើលជាខ្លាំងក្រោយពីភរិយាតារាកំប្លែង នាយពាក់មី ត្រូវបានចូលសង្រ្គោះនៅមន្ទីរពេទ្យភ្លាមៗបន្ទាប់ពីបានទទួលសេវាកម្ម ធ្វើឱ្យស្បែកស។ ពេលនេះហាងកែសម្ជស្សដែលមានស្លាកយីហោ S88 Beauty ផ្សារថ្មីត្រូវបានបិទជាបណ្តោះអាសន្នក្រោយរកឃើញថាទីតាំងមួយ នេះមិនមានអជ្ញាបណ្ណ័ត្រឹមត្រូវនឹងបានធ្វើឱ្យភរិយានាយ ពាក់មី មានបញ្ហាធ្ងន់ធ្ងរ ។
ហាងកែសម្ជស្សមួយនេះមានទីតាំងនៅតាមបណ្តោយផ្លូវលេខ៥៣ សង្កាត់ផ្សារថ្មី៣ ខណ្ឌដូនពេញដែលត្រូវគេស្គាល់ថាជាហាងដែលមានឈ្មោះល្បីគួរសម ។មុននេះបន្តិចគេបានឃើញគណនីយផ្លូវការរបស់តារាកំប្លែងល្បីឈ្មោះរូបនេះបានបង្ហោះសារខ្លីដែលមានអត្ថន័យថា«ប្រពន្ធខ្ញុំសង្គ្រោះបន្ទាន់នៅបន្ទប់ICU 2ថ្ងៃហើយ បន្ទាប់ពីគាត់បានព្យួសេរ៉ូមអោយសាច់ស នៅមជ្ឈមណ្ឌលកែសម្ភស្ស S88 Beauty នៅថ្ងៃពុធ ទី2 ម៉ោង1រសៀល» តើម្ចាស់ S88 Beauty ទាំង13សាខា ជានណា?»។
ជាមួយនឹងការលើកឡើងរបស់តារាកំប្លែងដែលមានប្រភពមកពីខេត្តស្វាយរៀងរូបនេះក៏ត្រូវបានមហាជននៅក្នុងបណ្តាញសង្គមបានជួនពរឱ្យភរិយារបស់លោកឆាប់បានជាសះស្បើយផងដែរ ។ គួរបញ្ជាក់ថាហាងកែសម្ជស្សនេះត្រូវបានបិទជាបណ្តោះអាសន្នកាលពីថ្ងៃទី ០៣ វេលាម៉ោង៥ល្ងាចម្សិលមិញនេះ ៕