ទាក់ទងនឹងរឿងចរាចរ រហូតឈានដល់ហិង្សានោះ ក្រៅពីរងគ្រោះដោយសារអធិការរងខណ្ឌចំការមន វាយមួយដៃសន្លប់ហើយនោះ ជនរងគ្រោះ ក៏បានបាត់ទូរស័ព្ទ និងនាឡិកាដៃផងដែរ។
តាមរយៈវីដេអូថតបាន ត្រូវបានអ្នកលេងបណ្ដាញសង្គមអះអាងថាមានបុរសម្នាក់ពាក់មួកក្រហម អាវក្រឡា និងពាក់ម៉ាស់ ជាអ្នករើសទូរស័ព្ទ។ ជនរងគ្រោះអំពាវនាវអ្នកដែលបានរើសទូរស័ព្ទ និងនាឡិកានោះ សូមប្រគល់ជូនគាត់វិញ គាត់នឹងជូនសាគុណថែមទៀត។ សូមមេត្តាកុំឆ្លៀតឱកាសនៅពេលគេកំពុងមានបញ្ហា។
បើតាមគណនីហ្វេសបុកឈ្មោះ «Kong Sambath» ដែលជាជនរងគ្រោះនៅក្នុងករណីនេះបានលើកឡើងឱ្យដឹងថា៖
«មូលហេតុខ្ញុំបុកកម្របលូទេ គាត់មកឃាត់ខ្ញុំនិយាយទាំងទទឹងទិស ទាំងស្ថានភាពស្រវឹង រករឿងប្រើពាក្យសម្តីមិនសមរម្យ ហេងដែលមានបងៗអ្នកកាសែតនៅកុំអីមិនដឹងយ៉ាងណា!
បើតាមព័ត៌មាន អធិការរងខណ្ឌមួយ ទាំងមូលចរិតពាលអញ្ចឹង ? ចុះទូរស័ព្ទ និងនាឡិកាខ្ញុំបាត់អ្នកណាទទួលខុសត្រូវ ? ហិង្សាមកលើខ្ញុំអ្នកណាទទួលខុសត្រូវ ? ឬមួយស្រវឹងមិនទាន់ហ៊ានទទូលខុសត្រូវ ?សូមពឹងទៅលើអាណាព្យាបាល មានសមត្ថកិច្ច គ្រប់គ្រងតំបន់ជួយធ្វើការផង ។ ខ្ញុំសូមបញ្ជាក់ខ្ញុំការពារខ្លួនពីអំពើហិង្សានេះទេ។»
សូមជម្រាបជូនថា អធិការរងខណ្ឌចំការមនដែលប្រេីហិង្សាលេីប្រជាពលរដ្ឋនោះត្រូវបានឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញបញ្ជាឱ្យចាត់វិធានការច្បាប់ដោយមិនយោគយល់ឡេីយ ចំពោះប្រជាពលរដ្ឋដែលបេីកបរបុកខឿនផ្លូវ ក៏ត្រូវផាកពិន័យតាមច្បាប់ និងសងការខូចខាតទ្រព្យសម្បត្តិរដ្ឋ៕
