ខេត្តកណ្តាល ៖ បុរសម្នាក់ខ្ចីម៉ូតូម្តាយយកមកជិះ បែរជាយកទៅបញ្ចាំយកលុយសងបំណុលគេ បែកគំនិតប្រឌិតរឿង យកដុំថ្មវាយក្បាលខ្លួនឯង បណ្តាលអោយបែក កុហកគ្រួសារថាចោរវាយប្លន់ រួចទៅប្តឹងសមត្ថកិច្ចកុហកទាំងសមត្ថកិច្ចជំនាញ។
ជនសង្ស័យមាន ឈ្មោះ រស់ វឌ្ឍនា ភេទប្រុស អាយុ២៧ឆ្នាំ ជនជាតិខែ្មរ មុខរបរ ពេទ្យសត្វ ស្នាក់នៅបច្ចុប្បន្ន ក្នុងបុរីទួលសង្កែ ភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ។
យោងតាមផេក ស្នងការដ្ឋាននគរបាលខេត្តកណ្តាល ដោយអនុវត្តតាមការចង្អុលដឹកនាំពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃទី១៤ ខែសីហា ឆ្នាំ២០២៣ កម្លាំងជំនាញស្នងការដ្ឋាននិងអធិការដ្ឋាននគរបាលក្រុងអរិយក្សត្រ បានធ្វើការស្រាវជ្រាវបកស្រាយបំភ្លឺ ករណី អំពើបង្កឲ្យមានភាពវឹក.វរធ្ងន់ធ្ងរដល់សន្តិ.សុខសង្គម ដែលបានកើតឡើងនៅថ្ងៃទី១៣.០៨.២០២៣ វេលាម៉ោង ០៣: ៣០នាទីទៀបភ្លឺ តាមបណ្តាយផ្លូវកៅស៊ូ ៧០B ស្ថិតនៅ ភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល។
នៅថ្ងៃទី១៣ ខែសីហា ឆ្នាំ២០២៣ វេលាម៉ោង ០៧ និង៣០នាទី ជនសង្ស័យបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលអរិយក្សត្រ ថាមានករណី អំពើលួ.ចមានស្ថានទម្ងន់ទោ.ស ( ភ្ជ-ង់កាំ-ភ្លើងខ្លី វា-យក្បាលហ្នឹងដុំថ្ម) យកម៉ូតូរបស់ខ្លួនម៉ាក Honda Scoopy ពណ៌ស លាយផ្កាឈូក ផលិតឆ្នាំ២០២២ ពាក់ស្លាកលេខ 1JM-8242 នៅថ្ងៃទី១៣ ខែសីហា ឆ្នាំ២០២៣ វេលាម៉ោង ០៣និង៣០នាទីទាបភ្លឺ ចំណុចតាមបណ្តាយផ្លូវកៅស៊ូ៧០ B ភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល នៅពេលខ្លួនធ្វើដំណើរត្រឡប់មកពីរាជធានីភ្នំពេញវិញ ។
ក្រោយពីទទួលបានពាក្យបណ្តឹងរបស់ជនសង្ស័យ កម្លាំងជំនាញព្រហ្មទណ្ឌខេត្ត សហការជាមួយកម្លាំងជំនាញព្រហ្មទណ្ឌក្រុង និងកម្លាំងប៉ុស្តិ៍៍នគរបាលរដ្ឋបាលអរិយក្សត្រធ្វើការសាកសួរបំភ្លឺជនសង្ស័យ និងឆែកតាមកាមេរ៉ាសុវត្ថិភាពតាមដងផ្លូវ បានបង្ហាញអោយឃើញពីសកម្មភាពមិនប្រក្រតីដែលជនសង្ស័យបានបំភ្លឺ បែរជាឃើញជនសង្ស័យដើរម្នាក់ឯងចុចទូរស័ព្ទខុសពីផ្លូវកន្លែងដែលកើតហេតុ ទើបសមត្ថកិច្ចបានហៅជនសង្ស័យមកសារសួរជាលើកទី២។
នៅចំពោះមុខសមត្ថកិច្ច ជនសង្ស័យ បានសារភាពថា នៅថ្ងៃទី១២.០៨.២០២៣ វេលាម៉ោង១៨:០០នាទីល្ងាច ខ្លួនបានខ្ចីម៉ូតូម្តាយឈ្មោះ អ៊ុ សុខនៅ ម៉ាកHonda Scoopy ពណ៌ស លាយផ្កាឈូក ផលិតឆ្នាំ២០២២ ពាក់ស្លាកលេខ 1JM-8242 ទៅធ្វេីការដឹកតែគុជនៅហាងមិត្តភក្កិ ឈ្មោះ សីហា នៅម្តុំវត្តបទុម រាជធានីភ្នំពេញ និយាយរួចជនសង្ស័យបានជិះម៉ូតូម្នាក់ឯងចេញពីផ្ទះទៅឆ្លងតាមកំពង់ចម្លងអរិយក្សត្រ ឆ្ពោះទៅផ្សារឃ្លាំងរំសេវ រាជធានីភ្នំពេញ ដើម្បីបញ្ចាំម៉ូតូនៅហាងមួយមិនចាំយីហោ បានប្រាក់ចំនួន១៥០០ដុល្លា ដោយទទួលប្រាក់ពីអ្នកទទួលបញ្ចាំតាមរយ: ABA ហើយខ្លួនក៏បានផ្ទេរប្រាក់នោះ ចំនួន១៤៩០ដុល្លាតាមABAសងបន្តទៅអោយឈ្មោះ Y VANNAK បន្តិចក្រោយមកក៏បានហៅ ផាស់អាប់ជិះទៅហាងលក់តែគុជ របស់មិត្តភ័ក្តនៅម្តុំវត្តបទុម អង្គុយលេងដល់វេលាម៉ោង ៣:០០នាទីទៀបភ្លឺ ឈានចូលថ្ងៃទី១៣.០៨.២០២៣ ជនសង្ស័យ បានពឹងអោយអ្នកស្គាល់គ្នាដឹកមកកំពង់ចម្លងអរិយក្សត្រហើយឆ្លងទូកដរមកដល់ខាងភូមិអរិយក្សត្រ បានឡេីងជិះផាស់អាប់ដើម្បីទៅផ្ទះ ពេលជិះដល់ចំណុចហាងលក់មីហឹរ ក៏ឈប់ចុះដើរ ចុចទូរស័ព្ទសំដៅទៅផ្ទះ ពេលដើរដល់ផ្លូវចូលបុរីទួលសង្កែ ជនសង្ស័យក៏រើសយកដុំថ្មទំហំប៉ុនបាតដៃមកវា-យក្បាលខ្លួនឯងពីក្រោយចំនួន២ដង បណ្តាលអោយបែ-កក្បាលឈា-ម ដើម្បីប្រឌិតរឿង កុហកម្តាយ បន្ទាប់មកជនសង្ស័យបានយកទូរស័ព្ទមកថតពីខាងក្រោយក្បាលខ្លួន ផ្ញើតាមឆាតទៅប្រពន្ធដោយនិយាយកុហកថា ចោរបានស្ទាក់វា-យភ្ជ-ង់ប្ល-ន់យកម៉ូតូ បាត់ហើយ រួចជនសង្ស័យក៏បន្តដំណើរដើរទៅដល់ផ្ទះហើយបានស្រែកហៅម្តាយឲ្យបើកទ្វារ ពេលម្តាយចេញបើកទ្វារឃើញសភាពកូនមានឈា-មក្បាលក៏សួរ ជនសង្ស័យបានប្រឌិតរឿងប្រាប់ទៅម្តាយថា ចោរបានស្ទាក់វា-យភ្ជង់ប្ល-ន់យកម៉ូតូ និយាយចប់ម្តាយបានដឹកជនសង្ស័យទៅមន្ទីរពេទ្យដើម្បីព្យាបាលរបួស។
បច្ចុប្បន្នជនសង្ស័យត្រូវបានបញ្ជូនទៅអធិការដ្ឋាននគរបាលក្រុងអរិយក្សត្រ បន្តចាត់ការតាមនីតិវិធីច្បាប់ ៕