បុរសជាបុគ្គលិកយាមកង់-ម៉ូតូ នៅបរិវេណរបងមន្ទីរពេទ្យអង្គឌួង ឈ្មោះ រាជ សុជាតិ ត្រូវបានថ្នាក់ដឹកនាំ មន្ទីរពេទ្យសម្រេចបញ្ឈប់ពីការងារ ក្រោមមូលហេតុប្រើសម្ដីគ្មានក្រមសីលធម៌ចំពោះអ្នកផ្ញើកង់-ម៉ូតូ។
បើយោងតាមលិខិតរបស់លោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង ចេញផ្សាយនៅថ្ងៃទី ២៤ ខែសីហា ឆ្នាំ ២០២៣បានបញ្ជាក់ថា៖
«សូមអ្នកគ្រប់គ្រងកន្លែងផ្ញើកង់-ម៉ូតូ ក្នុងបរិវេណមន្ទីរពេទ្យព្រះអង្គឌួង បញ្ឈប់បុគ្គលិកដែលមានឈ្មោះខាងលើជាកំហិត។ បើមានករណីបែបនេះបន្តទៀត មន្ទីរពេទ្យនឹងបញ្ឈប់ការផ្ដល់កន្លែងផ្ញើកង់-ម៉ូតូ ដល់អ្នកគ្រប់គ្រង»៕
