លោកស្រី អយ ឆវឌ្ឍនី អាយុ ៣៨ ឆ្នាំ ថៅកែគ្លីនិកមួយកន្លែងនៅសង្កាត់ទទួលសង្កែ ១ ខណ្ឌ ឬស្សីកែវ កំពុងរងការប្ដឹងបកពី យុវជនមួយរូបឈ្មោះ ហឿន សុខរតណី អាយុ ១៩ ឆ្នាំ បន្ទាប់ពីលោកស្រីបានប្រេីហិង្សា( ទះ៥កំផ្លៀង ) ព្រោះតែខឹងយុវជនរូបនេះបេីកបរម៉ូតូធ្វេសប្រហែសប៉ះកាងរថយន្ត Lexus 570 សេរីឆ្នាំ ២០១១ ឡេីងសេរី គូរូ ពណ៌ខ្មៅ បណ្ដាលឲ្យដាច់ថ្នាំកាងបន្តិចបន្តួច ។ ក្រៅពីទះកំផ្លៀងយុវជនរូបនេះហេីយ លោកស្រីបានដកហូតយកម៉ូតូទៅចាក់ច្រវ៉ាក់ទុកដោយគ្មានការអនុញ្ញាតិពីម្ចាស់ម៉ូតូ និងសមត្ថកិច្ចឡេីយ ។
ពាក់ព័ន្ធការទាមទារសំងការខូចខាតកាងរថយន្តលោកស្រីថាយក ៣០០ដុល្លារ តែក្រោយមកក៏មិនយកវិញដោយសុំបញ្ចប់គ្នាត្រឹមហ្នឹង ។ ប៉ុន្តែយុវជនរងគ្រោះមិនព្រមហេីយនៅរសៀលថ្ងៃទី ៣០ ខែ សីហា ឆ្នាំ ២០២៣ នេះ យុវជនបង្ករករណីគ្រោះថ្នាក់ចរាចរណ៍តែជាជនរងគ្រោះនៃអំពេីហិង្សាបានមកដាក់ពាក្យបណ្ដឹងនៅ នគរបាលប៉ុស្តិ៍ទួលសង្កែ១ ខណ្ឌ ឬស្សីកែវរួចហេីយ ដេីម្បីអោយសមត្ថកិច្ចចាត់ការតាមច្បាប់ ។
ចំពោះរថយន្ត Lexus 570 2011 ឡេីងសេរី គូរូ ពណ៌ខ្មៅ ផ្លាកលេខ កម្ពុជា -CEO.TGN1 គឺ លោកស្រី ទេីបតែទិញបន្តពី អគ្គនាយក ធី ជី អិន កាលពីថ្ងៃទី ២៨ ខែ សីហា ឆ្នាំ ២០២៣ និយាយរួមទៀបតែទិញបាន ២ថ្ងៃ ប៉ុណ្ណោះ ។
ករណីគ្រោះថ្នាក់ចរាចរណ៍ គួរតែដោះស្រាយដោយសមត្ថកិច្ចនគរបាលចរាចរណ៍ គូភាគីមិនអាចបង្ករអំពេីហិង្សានោះទេ ។ គេបុកយេីង គេខុសហេីយ ទុកអោយច្បាប់ដោះស្រាយតែបេីយេីងទៅវាយគេ គឺយេីងជាអ្នកត្រូវក្លាយទៅជាអ្នកខុសវិញ ។ ដូចករណីខាងលេីនេះជាដេីម ។
បទល្មើសទះកំផ្លៀងបានក្លាយជាប្រធានបទក្ដៅនៅលេីបណ្ដាញសង្គមហ្វេសប៊ុក បន្ទាប់ពី បុរសម្នាក់បានទះកំផ្លៀងយុវតីម្នាក់ព្រោះតែជិះម៉ូតូសាចទឹកប៉ះគាត់បន្តិចបន្តួច ។ បច្ចុប្បន្នបុរសទះកំផ្លៀងយុវតីរូបនោះត្រូវសមត្ថកិច្ចឃាត់ខ្លួនបញ្ជូនទៅតុលាការចាត់ការតាមច្បាប់រួចហើយ ។ ចំពោះលោកស្រីថៅកែគ្លីនិកដែលទះកំផ្លៀងយុវជនមួយរូបចំនួន ៥ កំផ្លៀង តេីមានវាសនាដូចបុរសទះកំផ្លៀងយុវតីនោះឬយ៉ាងណា ។
សូមបងប្អូនទាំងអស់មេត្តាកុំយកហិង្សាដោះស្រាយបញ្ហា
នេះបើតាមសារទាំងស្រុងរបស់លោក ផែង វណ្ណៈ បង្ហោះឱ្យដឹង ភ្ជាប់ជាមួយរូបប៉ុន្មានសន្លឹកនៅរសៀលថ្ងៃទី ៣០ ខែសីហា ឆ្នាំ២០២៣នេះ៕
