ជេីងខ្លាំងបេីក Pass App បញ្ច្រាស់ទិសដៅចរាចរណ៍ហើយគំរាមកំហែងប្រជាពលរដ្ឋនោះពេលនេះ សមត្ថកិច្ចនគរបាលខេត្តកណ្ដាល ឃាត់ខ្លួនបានហើយនៅស្រុកខ្សាច់កណ្ដាល ។
នេះបើតាមការបញ្ជាក់ពីលោកឧត្ដមសេនីយ៍ទោ ឈឿន សុចិត្រ ស្នងការនគរបាលខេត្តកណ្ដាល នៅយប់ថ្ងៃទី ១៥ ខែសីហា ឆ្នាំ២០២៣នេះ។
លោកស្នងការបានបន្ថែមឱ្យដឹងថា ពេលនេះសមត្ថកិច្ចនគរបាលខេត្តកណ្ដាលកំពុងរៀបចំបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការបន្ត ដោយហេតុការណ៍នេះកេីតឡេីងនៅរាជធានីភ្នំពេញ ។
សូមជម្រាបជូនថា មុខសញ្ញាជាម្ចាស់ម៉ូតូកង់បីឥណ្ឌា រួមទាំងម៉ូតូកង់បីឥណ្ឌា ដែលបំពានច្បាប់ចរាចរណ៍ ដែលមានអ្នកបើកបរឈ្មោះ កែ ឃឹម អាយុ៤៧ ឆ្នាំ មានទីលំនៅ ស្រុកខ្សាច់កណ្តាល ខេត្តកណ្តាល៕