លោក អ៊ី សុខឡេង អភិបាលរងខេត្តព្រះសីហនុ បានលើកឡើងសំណេរមួយ ដោយភ្ជាប់ជាមួយតារាចំណាត់ថ្នាក់វិស័យទេសចរណ៍ «អញ្ជើញគ្រូបារមី និងទេវតារុកដីបក់ផ្លិត អន្ទងចិត្តប្រជាជនទូទាំងពិភពលោកឱ្យមកទេសចរណ៍កម្ពុជា បើមិនបានជាប់លេខ១ដូចថៃ សូមត្រឹមលេខ២០បាតតារាង» បើទោះបីជាសំណេរមិនបានបញ្ជាក់ព្រះអង្គ ចន្ទមុន្នី ប៉ុន្តែក្នុងនោះត្រូវបានឧត្តមសេនីយ៍ឯក ហ៊ុន ជា លើកឡើងថាជាការតាមផ្ចាញ់ផ្ចាលព្រះអង្គចន្ទមុន្នី តែយ៉ាងណាសារនេះត្រូវបានលុបចោលភ្លាមៗផងដែរក្រោយប្រតិកម្មនេះ។
នៅព្រឹកថ្ងៃទី ២៦ ខែធ្នូ ឆ្នាំ២០២៣នេះឯកឧត្តម ហ៊ុន ជា បានបញ្ជាក់ឱ្យដឹងថា «ចាប់តាំងពីមានវត្តមានព្រះអង្គ ចន្ទមុន្នី មក ប្រជាពលរដ្ឋដែលកាន់សាសនាព្រះពុទ្ធ បានគាំទ្រព្រះអង្គភ្លូកទឹកភ្លូកដី ។ ការគាំទ្រព្រះអង្គភ្លូកទឹកភ្លូកដីបែបនេះធ្វើអោយវត្តមានមាបានកេីតមានឡេីងជាហូរហែរ ។ តែមាទាំងនោះ មិនមែនជាមន្ត្រីរាជការទេ ភាគច្រើនក្រុមច្រណែនព្រះអង្គ ។ តែឥលូវនេះសូមតែលោក អ៉ី សុខឡេង អភិបាលរងខេត្ត ព្រះសីហនុ ក៏តាមផ្ចាញ់ផ្ចាលព្រះអង្គដែរ ។
តេីព្រះអង្គចន្ទមុន្នីខុសអី ? ព្រះអង្គមិនដែល អួតអាងថាព្រះអង្គមានបុណ្យបារមីអីទេ ព្រះអង្គផ្ដល់តែពុទ្ធឱវាទតាមផ្លូវព្រះពុទ្ធសាសនាជូនដល់ ពុទ្ធបរិស័ទតែប៉ុណ្ណោះ ។ ការកាន់ផ្លិតជានិស្ស័យរបស់ព្រះអង្គ ហេីយផ្លិតនេះគ្មានបារមីអីទេ ហេតុអ្វីក្នុងនាមលោកជាអភិបាលរងខេត្តមួយរូបបែជាមកផ្ចាញ់ផ្ចាលរឿងព្រះអង្គទៅវិញ ?
រឿងភ្ញៀវទេសចរណ៍មកលេងតិច ឬ មកលេងច្រេីន អាស្រ័យទៅលេីស្ថានភាពសេដ្ឋកិច្ចសាកល មិនមែនសម្រាប់កម្ពុជាដោយឡែកទេ ។ ចង់បានភ្ញៀវទេសចរបរទេសមកលេងច្រេីន ក្នុងនាមលោកជាអភិបាលរងខេត្ត គួរតែសួរខ្លួនឯង ថាហេតុអ្វីបានគេមិនមកលេង ? លោកមានតួនាទី មានបុណ្យស័ក្ដិ មានអំណាច ចាត់ចែងកិច្ចការទាំងនេះ មិនមែន ព្រះអង្គចោទេ ។ បេីចង់អោយព្រះអង្គទៅបក់ផ្លិតហៅភ្ញៀវទេសចរណ៍ ទាល់តែលោកលាលែងតួនាទី មុខតំណែងពីអភិបាលរងខេត្ត ហេីយ ប្រគល់ តួនាទីដឹកនាំអោយមកព្រះអង្គម្ដងទៅ ?
រាស្ត្រនិយាយលេីសខ្វះតិចតួចមិនជាបញ្ហា តែលោកជាមន្ត្រី មុននឹងនិយាយ សូមគិតគូរពីលទ្ធផលជះត្រលប់មកវិញផង ។ ការងារទាក់ទាញភ្ញៀវទេសចរណ៍មិនមែនការងារព្រះសង្ឃទេ តែជាការងាររបស់អស់លោកជាមន្ត្រីរាជការ »៕