ដោយសារជាប់រវល់នៅក្នុងការងារមិនអាចដកឃ្លាបានតែក្នុងនាមជាឪពុកតារាចម្រៀង យ៉ែម សំអូន បានបង្ហោះសារសុំទោសកូនស្រីជាសាធារណៈតាមបណ្តាញសង្គមដោយសារលោកមិនអាចទៅទទួលកូនស្រីជាទីស្រឡាញ់នៅក្នុងថ្ងៃនេះ។ប៉ុន្តែយ៉ាងណាលោកបានពឹងពាក់តារាស្រី ទឹម រដ្ឋា ឱ្យធ្វើរឿងនេះជំនួសតួនាទីលោក ។
ក្រៅពីតារាចម្រៀង លោក យ៉ែម សំអូន ក៏ជាមុខរបរផ្ទាល់ខ្លួនជាអ្នករៀបចំកម្មវិធីតន្រ្តីសម្រាប់បម្រើនៅក្នុងកម្មវិធីមង្គលការ ជប់លៀងខួបកំណើតក៏ដូចជាកម្មវិធីធំតូចនានា ។ ដោយសាររដូវនេះជារដូវប្រាំងទើបធ្វើឱ្យការងាររបស់លោកមានការកាក់កបខ្លាំងស្ទើរមិនមានពេលសម្រាក ។ ដោយសារបែបនេះទើបតារាចម្រៀងរូបនេះមិនអាចដកឃ្លាទៅទទួលកូនស្រីតែមួយដែលនឹងធ្វើដំណើរមកដល់ប្រទេសកម្ពុជានៅក្នុងថ្ងៃទី ១៥នេះ ។
ប៉ុន្តែលោកបានពឹងពាក់ ទឹម រដ្ឋា ដែលជាមនុស្សដែលលោករាប់អានឱ្យទៅទទួលកូនស្រីជំនួសខ្លួន ។ ភ្ជាប់រូបភាពកូនស្រីជាមួយអតីតភរិយាអ្នកនាង យ៉ាន់ លីនដា លោក យ៉ែម សំអូន បានរៀបរាប់ថា «កូនស្រីសម្លាញ់មាសឪពុកឱ្យប៉ាៗសុំទោសផងដែលប៉ាមិនបានទៅទទួលការធ្វើដំណើរមកដល់របស់កូនយប់នេះដោយ សារភារកិច្ចរបស់ប៉ាៗរវល់ខ្លាំងដកឃ្លាមិនរួច។អ៊ីចឹងមីង ទឹម រដ្ឋា ជួយមើលក្មួយផងគ្រប់យ៉ាងមានការអីត្រូវការចាំប្រាប់បងទាំងអស់។ ចាំជួបគ្នាថ្ងៃស្អែកណាកូនស្រីប៉ាប៉ា Veronica Yem។ My Everything»។
ការលើកឡើងរបស់លោក យ៉ែម សំអូន ត្រូវបានអ្នកលេងបណ្តាញសង្គមលាន់មាត់សរសើរចំំពោះលោកក្នុងនាមជាឪពុកដែលនៅតែមានទំនួលខុសត្រូវផ្តល់ក្តីស្រឡាញ់ភាពកក់ក្តៅជាពិសេ សតាមCare កូនស្រីបើទោះកូនធំពេញវ័យក្តី។តួយ៉ាងមិនបានមកទទួលកូនស្រីដោយផ្ទាល់ តែសុខចិត្តពឹងពាក់មិត្តជិតដិតឱ្យទៅទទួលនឹងជួយមើលកូនស្រីខណៈនាងធ្វើដំណើរមកដល់ប្រ ទេសកម្ពុជានៅល្ងាចនេះ ។
ប៉ុន្តែយ៉ាងណាលោក យ៉ែម សំអូន មិនបានបញ្ជាក់ថាតើអតីតភរិយា យ៉ាន់ លីនដា នឹងមានវត្តមានរួមគ្នាជាមួយកូនស្រីឬបែបណាឡើយ ។ ដ្បិតបង្ហាញនូវក្តីស្រឡាញ់កូនស្រីតែមួយរបស់ខ្លួនខ្លាំងក្តី តែមិនមានសញ្ញាណាមួយបញ្ជាក់ថាលោក និងអ្នកនាង យ៉ាន់ លីនដា អាចត្រូវរ៉ូវគ្នាវិញទេ ខណៈបច្ចុប្បន្ននេះអ្នកទាំងពីរសុទ្ធតែមិនទាន់មានអ្នកថ្មីរៀងខ្លួន៕
