មានការចូលរួមរំលែកទុក្ខនិងសោកស្តាយគ្រប់គ្នាក្រោយបានឃើញតារាកំប្លែងស្រី នាងខ្ញុង បានបង្ហោះសារនៅមុននេះបន្តិចថាបានរកឃើញឪពុកក្មេកហើយ តែជាសាកសពក្រោយបាត់ពីផ្ទះកាលពីថ្ងៃទី ០២ កន្លងទៅ។
គេចាំបានថាកាលពីបួនថ្ងៃមុនតារាកំប្លែង នាយកៃដ បង្ហោះរូបឪពុកបង្កើតរបស់លោកដែលបានវង្វេងបាត់ពីផ្ទះដោយភ្ជាប់សារថា «ខ្ញុំបាទ បានបាត់ ឪពុក ថ្ងៃទី 02 05 2024 មិនដឹងថាគាត់វង្វេងទៅដល់ទីណាទេ បើបងប្អូនបានឃើញ សូមមេត្តាផ្តល់ដំណឹងមកខ្ញុំបាទផង រឺក៏សូមជួយឃាត់គាត់ទុក ហើយ ថតរូបផ្ញើរមកខ្ញុំបាទដោយក្តីអនុគ្រោះ 015 3333 23/087 343333 នេះជាលេខតេលេក្រាមរបស់ខ្ញុំសូមអរគុណ»។
ប៉ុន្តែនៅក្នុងថ្ងៃទី ០៦ មុននេះបន្តិចតារាកំប្លែង ខ្ញុង បានបង្ហោះសារដ៏តក់ស្លុតមួយដែលមានអត្ថន័យថា «បាត់បួនប្រាំថ្ងៃដើររកមិនឃើញឥលូ វឃើញហើយឃើញតែសាកសព សូមឱ្យវិញ្ញាណក្ខន្ធប៉ាក្មេកបានទៅកាន់សុគតិភព»។
សារដ៏សោកសៅរបស់តារាកំប្លែង នាង ខ្ញុង បានធ្វើឱ្យមហាជនក៏ដូចជាមិត្តភក្តិក្នុងសិល្បៈបានចូលរួមរំលែកទុក្ខនិងសោកស្តាយដល់ នាង ខ្ញុង និង នាយកៃដ ដែលបានបាត់បង់អ្នកមានគុណដោយគ្មានថ្ងៃត្រឡប់គ្រប់ៗគ្នា ហើយអ្វីដែលកម្សត់គឺមិនបានទាន់ដង្ហើមចុងក្រោយថែមទៀត ។ ជុំវិញការស្លាប់បែបណារបស់ឪពុក នាយកៃដ គេមិនទាន់ដឹងលម្អិតនៅឡើយទេ ដោយសារមិនទាន់មានការបកស្រាយពីសំណាក់ក្រុមគ្រួសារសពនៅឡើយ៕
