ផ្ទុះការចាប់អារម្មណ៍ពេញបណ្តាញសង្គមក្រោយពីបានឃើញនូវវីដេអូយ៉ាងផ្អែមល្ហែមនិងស្និទ្ធស្នាលរវាងតារាសម្តែងរូបសង្ហា ប៉ែន ភ័ក្រ្តសុធារិទ្ធ និងអ្នកជំនួញអនឡាញ អ៊ាន ស៊ៀវម៉ី ដែលមើលទៅមិនខុសពីគូស្នេហ៍នោះឡើយ។ មហាជនខ្លះក៏លើកឡើងតារាប្រុស ប៉ែន ភ័ក្រ្តសុធារិទ្ធ គ្រាន់តែBA តែប៉ុណ្ណោះ តែអ្នកគាំទ្រខ្លះទៀតលើកឡើងថាអ្នកជំនួញអនឡាញ ស៊ៀវម៉ី មិនដែលមានBA ឡើយអ្នកទាំងពីរអាចមានសម្ព័ន្ធស្នេហា ។ ប៉ុន្តែថ្មីៗនេះឧកញ៉ា អ៊ាន ស៊ៀវម៉ី បានបញ្ជាក់ហើយថាលោក ប៉ែន ភ័ក្រ្តសុធារិទ្ធ មិនមែនជាBA ឡើយ។
ក្រោយពីតារាប្រុសមុខស្ងួតលោក ប៊ឺរី ប្រកាសពីចំណងស្នេហ៍ជាមួយអ្នកជំនួញ ម៉ាដាម ដា និងត្រៀមរៀបការនៅដើមឆ្នាំក្រោយនោះ។ពេលនេះមហាជនជាច្រើនក៏បានងាកចាប់អារម្មណ៍ពីទំនាក់ទំនងស្និទ្ធស្នាលរវាងតារាប្រុសរូបសង្ហាសាច់ដុំធំៗ ប៉ែន ភ័ក្រ្តសុធារិទ្ធ ជាមួយអ្នកជំនួញដែលមានទ្រព្យស្តុកនិងមានងារជាឧកញ៉ា អ៊ាន ស៊ៀវម៉ី ដែលមានទាំងការអបអរសាទរ និងការលើកឡើងថាជាការសម្តែងដើម្បីបំពុលសង្គមនិងទីផ្សារអនឡាញជាដើម ។ ជៀសវាងការលើកឡើងបែបនេះពីសំណាក់មហាជនអ្នកជំនួញអនឡាញ អ៊ាន ស៊ៀវម៉ី បានចេញមុខបកស្រាយខ្លះៗពីទំនាក់ទំនងរបស់ខ្លួនជាមួយតារាប្រុសសាច់ដុំធំ ប៉ែន ភ័ក្ត្រសុធារិទ្ធ កាលពីថ្ងៃទី ១៤ កន្លងទៅថា រវាងលោកស្រី និងលោក ប៉ែន ភ័ក្រ្តសុធារិទ្ធ មិនមែនជាការសម្តែងហើយក៏មិនមានជាការថតMV អ្វីដែរ ហើយតារាបុ្រសរូបនេះក៏មិនមែនជា BAរបស់លោកស្រីដែរ ។យ៉ាងណាមិញលោកស្រីមិនចង់បញ្ជាក់ឱ្យអស់ពេកទេទុកឱ្យបងប្អូនតាមដានតទៅទៀត តែយ៉ាងណាលោកស្រីគិតថាមហាជននឹងបានដឹងកាន់តែច្បាស់ សម្រាប់ថ្ងៃពិសេសនាពេលខាងមុខនេះ។
ទោះមិនបានបញ្ជាក់ចំៗថាជាគូស្នេហ៍ តែអ្នកជំនួញរូបនេះបានប្រើពាក្យពេចន៍អូនបងយ៉ាងផ្អែមល្ហែមជាមួយលោក ប៉ែន ភ័ក្ត្រសុធារិទ្ធ នៅក្នុងការនិយាយទូរស័ព្ទពេលឡាយវីដេអូថែមទៀត ។ បន្ថែមពីនេះអ្នកជំនួញអនឡាញ អ៊ាន ស៊ៀវម៉ី ក៏សុំឱ្យអ្នកគាំទ្រ ជូនពរលោកស្រី និង ប៉ែន ភ័ក្ត្រសុធារិទ្ធ ផងដែរ ។ បន្ថែមពីនោះអ្នកលក់អនឡាញល្បីឈ្មោះរូបនេះហាក់បង្ហាញការមិនពេញចិត្តក្រោយបានឃើញការខមិនមួយចំនួនពីវ័យរបស់ពួកគេដោយលោកស្រីបានលើកឡើងថាហេតុអ្វីមនុស្សប្រុសអាចយកប្រពន្ធដែលមានវ័យក្មេងបានចុះមនុស្សស្រីពេលយកស្វាមីក្មេងបែរជាត្រូវគេនិន្ទាទៅវិញ។តាមរយៈការទម្លាយខ្លះៗរបស់ឧកញ៉ា អ៊ាន ស៊ៀវម៉ី អាចបញ្ជាក់ថាលោក ប៉ែន ភ័ក្រ្តសុធារិទ្ធ គឺជាBA បេះដូងរបស់លោកស្រីយ៉ាងពិតប្រាកដ ។
ខុសពីអ្នកជំនួញអនឡាញដទៃព្រោះឧកញ៉ា អ៊ាន ស៊ៀវម៉ី មិនដែលប្រកាសពីការចែកផ្លូវជាមួយស្វាមីទេ តែស្ងាត់ៗលោកស្រីបែរជាត្រៀមរៀបចំពិធីពិសេសជាមួយតារាប្រុស ប៉ែន ភ័ក្រ្តសុធារិទ្ធ ទៅវិញ ។ ចុងក្រោយនេះតារាប្រុសរូបសង្ហាបីរូបបានងាកមកភ្ជាប់ស្នេហ៍ជាមួយអ្នកជំនួញអនឡាញទ្រព្យស្តុកដែលមានដូចជាលោក រស់ រាជ្ជសាល លោក ប៊ឺរី និងលោក ប៉ែន ភ័ក្រ្តសុធារិទ្ធ តែម្តង ៕
