ថ្មីៗនេះតារាចម្រៀង ព្រាប សុវត្ថិ ត្រូវបានអ្នកលេងបណ្តាញសង្គមមួយចំនួនបានបង្ហាញការមិនពេញចិត្ត និងបានឌឺដង ក្រោយតារាចម្រៀងរូបនេះបានប្រកាសបើកមុខរបរនៅខេត្តមណ្ឌលគីរិ។
មិនត្រឹមជាតារាចម្រៀងដែលមានឈ្មោះបោះសំឡេងប៉ុណ្ណោះទេឧកញ៉ា ព្រាប សុវត្ថិ ក៏ជាសិល្បករដែលមានជំនួញក្នុងដៃធំៗជាច្រើនដែលមានដូចជាអចលនទ្រព្យ សាឡន និងកន្លែងលក់អាហារ ជាដើម ។ ថ្មីៗនេះទៀតសោតតារាដែលមានងារជាឧកញ៉ារូបនេះក៏បានប្រកាសពីការបើកមុខហាង«ផ្ទះបាយព្រាប សុវត្ថិ» នៅដីរបស់លោកដែលមានទីតាំងនៅខេត្តមណ្ឌលគីរី ។
មិនតែប៉ុណ្ណោះតារាវ័យក្បែរ ៥០ឆ្នាំរូបនេះក៏ឆ្លៀតលើកឡើងពីការគាំទ្រនៅក្នុងកិច្ចសហប្រតិ្តការអភិវឌ្ឍន៍តំបន់ត្រីកោណCLV-DTA។តារាចម្រៀង ព្រាប សុវត្ថិ បានបង្ហោះសារនៅក្នុងវីដេអូរបស់លោកថា «ក្រោមការដឹកនាំ និង ការអភិវឌ្ឍន៍រីកចម្រើនទាំងសុខសន្ដិភាព ទាំងហេដ្ឋារចនាសម្ព័ន្ធនានារបស់ប្រមុខរាជរដ្ឋាភិបាលទើបធ្វើអោយប្រជាពលរដ្ឋខ្មែរមានទំនុកចិត្តដោយភាពកក់ក្ដៅនិងពង្រីកអាជីវកម្មរបស់ខ្លួនបន្ដទៀត ប្រកបដោយភាពជឿជាក់ ! ខ្ញុំជឿជាក់លើរដ្ឋាភិបាលកម្ពុជា ខ្ញុំគាំទ្រកិច្ចសហប្រតិ្តការអភិវឌ្ឍន៍តំបន់ត្រីកោណCLV-DTA»។
ជុំវិញការលើកឡើងរបស់ម្ចាស់បទ«អូនកុំបែកឆ្វេង»រូបនេះបានធ្វើឱ្យអ្នកលេងបណ្តាញសង្គមមួយចំនួនមិនពេញចិត្តដោយបានចូលទៅខមិននៅក្នុងវីដេអូរបស់លោកជាបន្តបន្ទាប់៖
