លែងជាមន្ទិលទៀតហើយនៅក្នុងថ្ងៃទី ១៧នេះតារាប្រុសរូបសង្ហា ប៉ែន ភ័ក្រ្តសុធារិទ្ធ បាននិយាយថាថ្ងៃទី ១៧នេះជាថ្ងៃពិសេសហើយលោកក៏បានអរគុណដល់អ្នកជំនួញទ្រព្យស្តុក អ៊ាន សៀវម៉ី ដែលបានចូលមកជីវិតរបស់លោកថែមទៀត ។ អ្នកគាំទ្រជាច្រើនសុទ្ធតែសម្តែងការជូនពរនិងអបអរដល់គូស្នេហ៍មួយគូនេះ។
តារាសម្តែង ប៉ែន ភ័ក្ត្រសុធារិទ្ធ ជាតារាប្រុសទីបីដែលបានភ្ជាប់ស្នេហ៍ជាមួយអ្នកជំនួញអនឡាញល្បីឈ្មោះដែលកន្លងមកមានដូចជាលោក រស់ រាជ្ជសាល និងលោក ប៊ឺរី។ អ្វីដែលកត់សម្គាល់ក្រោយពីរក្សាភាពស្ងប់ស្ងាត់មួយរយៈនៅក្នុងថ្ងែទី ១៧នេះ តារាប្រុសរូបរាងមាំម្នាក់នេះបានបង្ហោះសារយ៉ាងផ្អែមល្ហែមថា «17/8/2024/ ថ្ងៃពិសេស អរគុណអូនដែរចូលជីវិតបង🥰💜 »។
ក្រៅពីសារនេះលោកក៏មិនបានបញ្ជាក់ថាថ្ងៃនេះជាថ្ងៃពិសេសអ្វីសម្រាប់លោក និងអ្នកលក់អនឡាញ អ៊ាន សៀវម៉ី ឡើយ ។ ទោះជាប្រកាសពីចំណងស្នេហ៍រួមនឹងការទម្លាយវីដេអូបែប ស្វីត ស្វីតក្តី តែ ទាំងលោក ប៉ែន ភ័ក្រ្តសុធារិទ្ធ និងអ្នកលក់អនឡាញ អ៊ាន សៀវម៉ី មិនបានបញ្ជាក់ថាពួកគេភ្ជាប់ស្នេហ៍ជាមួយគ្នាតាំងពីពេលណានោះទេ ។
អ្នកគាំទ្រជាច្រើនបង្ហាញការត្រេកអរ និងសរសើរពីសំណាងរបស់លោក ប៉ែន ភ័ក្រ្តសុធារិទ្ធ ដែលកំពុងតែឡើងកូដខ្លាំងបែបនេះ ។ ព្រោះនរណាក៏ដឹងថាអ្នកលក់អនឡាញ អ៊ាន សៀវម៉ី ជាអ្នកជំនួញដែលមានទ្រព្យមិនចាញ់សេដ្ឋនីប៉ុន្មានឡើយ ដែលទោះលោកស្រីមានកូនបីទៅហើយក្តី តែសម្រស់នៅតែផូរផង់និងទាក់ទាញផងដែរ ។ គួរឱ្យដឹងថាជាតារាប្រុសដែលមានឈ្មោះល្បី តែលោក ប៉ែន ភ័ក្រ្តសុធារិទ្ធ មិនមែនជាតារាដែលមានជិវិតហាយសូរដូចមិត្តរួមអាជីពដទៃឡើយបើទោះលោកប្រឡូកនៅក្នុងការងារសិល្បៈច្រើនឆ្នាំក្តី ៕
