ទើបលេចមុខរយៈពេលខ្លីតែតារាសម្តែងរូបស្រស់ អ៊ួន វ៉ាន់វីតា ទទួលបានការស្រឡាញ់និងពេញចិត្តពីសំណាក់អ្នកគាំទ្រជាច្រើន ជាពិសេសតាមរយៈការសម្តែងរឿងខ្លីៗនៅក្នុងក្រុមរបស់ នាយព្រែក និង ពូណុយ ។ អ្វីដែលកត់សម្គាល់កំពុងមានប្រជាប្រិយភាពស្រាប់តែលេចដំណឹងថាតារាស្រីរូបនេះត្រៀមចូលរោងការទាំងវ័យក្មេងនៅក្នុងពេលឆាប់ៗនេះ ។
ដោយសារតែរូបសម្រស់រួមផ្សំជាមួយនិងទេពកោសល្យសិល្បៈពីកំណើតនោះបានធ្វើឱ្យតារាស្រី អ៊ួន វ៉ាន់វីតា មានទីផ្សារការងារជាហូរហែ ជាពិសេសការថតរឿងខ្លីៗជាមួយក្រុម នាយព្រែក និង តារាកំប្លែងពូណុយ ។
មិនតែប៉ុណ្ណោះនាងក៏លេចមុខនៅក្នុងការផ្សព្វផ្សាយផលិ តផលជាច្រើនផងដែរ ។កំពុងតែឡើងកូដស្រាប់តែតារាស្រីរូបនេះបានដឹកដៃគូស្នេហ៍ស្លៀកឈុតកូនកំលោះក្រមុំត្រៀមចូលរោងការទាំងវ័យក្មេងដែលធ្វើឱ្យអ្នកគាំទ្រមានការចាប់អារម្ម ណ៍និងចូលរួមជូនពរគ្រប់គ្នា ។ បើក្រឡេកមើលអនាគតស្វាមីរបស់ អ៊ួន វ៉ាន់វីតា ក៏មានរូបសម្បត្តិស្រស់សង្ហា និងមានវ័យស្របាលៗគ្នាផងដែរ ។ មានការលើកឡើងថាអ្នកទាំងពីរពិតជាស្រស់ស្អាតសមគ្នាខ្លាំងណាស់ ។
ក្រៅពីបង្ហាញវីដេអូថត Pre wedding ស្រីស្អាត អ៊ួន វ៉ាន់វីតា មិនបានទម្លាយពីពេលវេលាជាក់លាក់នៅក្នុងការរៀបមង្គលការរបស់ខ្លួននោះឡើយ ។ ប៉ុន្តែយ៉ាងណាតារាវ័យក្មេងរូបនេះក៏បានបង្ហាញការរីករាយក្រោយបានឃើញអ្នកគាំទ្ររបស់ខ្លួនចូលរួមសាទរនិងជូនពរចំពោះរូបនាង និងអនាគតស្វាមីជាច្រើនបែបនេះ ៕
